Sher ke doosre misre ke pehle/aakhri alfaaz se sher kahiye!

Post by **Shummu** » Mon Jan 16, 2006 7:44 pm

Tera BaDa Hi Shukriya Pilaaye Jaa Pilaaya Jaa
Na Zikr Kar Hisaab Ka Sharab La Sharaab Laa

Na/Laa

ummassad · Post by **ummassad** » Mon Jan 16, 2006 8:12 pm

na kisi ki aankh ka noor na kisi ke dil ka suroor houn
jo bigd gya vo naseeb hoon jo ujdr gye vo diyar houn

Post by **Shummu** » Mon Jan 16, 2006 10:10 pm

jo dosti nahin mumkin tu phir yeh ahad karein
keh dushmani mein buhat door tak na jaayenge

keh/jaayenge

Abdullah Nazir · Post by **Abdullah Nazir** » Tue Jan 17, 2006 1:10 am

Jaayenge aur kahaaN ham tiri taSveer liye

khaana-e-dil meiN hii rehjaane de Thukraa nah hameN.

(khaanah / hameN)

Nazir.

ummassad · Post by **ummassad** » Fri Jan 20, 2006 9:19 pm

hamen saager-o- bada ke dene main ab kare deer jo saaqi tuu haye gazab
ki yh aahed-e- nishat yh dour-e-talab na rahega jahan main saada na raha.

Abdullah Nazir · Post by **Abdullah Nazir** » Sat Jan 21, 2006 4:31 pm

Rahaa nah ZabT o taHammul nah hei qaraar mujhe

talaaTum-e-gham-e-hastii ke paar ujtaar mujhe.

Shayer: Abdullah Nazir

( talaaTum / mujhe )

Nazir.

Abdullah Nazir · Post by **Abdullah Nazir** » Sun Jan 22, 2006 2:27 pm

tiraa khayaal kabhi dil se door hou na sakaa

Hujoom-e-dard o alm meiN bhi muskuraataa hooN

hujoom / hooN

Nazir.

Post by **Shummu** » Mon Jan 23, 2006 10:57 am

Qadam Qadam pe bhatakna qabool hai mujh ko
Agar tu saath rahe mere rehnuma ki tarha

Agar/tarha

Abdullah Nazir · Post by **Abdullah Nazir** » Mon Jan 23, 2006 11:41 am

agar haTnaa bhi chaahooN maiN akelaa raah-e-manzil se

baRe chaalaak heiN sab hamsafar, peechaa nah chouReNge.

(baRe / chouRenge)

Shayer: Abdullah Nazir.

Nazir.

Abdullah Nazir · Post by **Abdullah Nazir** » Mon Jan 30, 2006 8:04 am

ham ko manzil tou kujaa koie nishaaN tak nah milaa

aafilah aaj bhi hei garm-e-safar kyaa keeje.

(aafilah / keeje)

Shayer: Abdullah Nazir.

Nazir.

Abdullah Nazir · Post by **Abdullah Nazir** » Sat Feb 04, 2006 8:15 am

pahuNchegi dil kii baat agar bazm-e-yaar meiN

kyaa kehiye kaun hougaa mire intizaar meiN.

Shayer: Abdullah Nazir.

kyaa / meiN

Nazir.

Abdullah Nazir · Post by **Abdullah Nazir** » Mon Feb 06, 2006 2:40 pm

milaa hei raah-e-muHabbat meiN wo Azaab ke maiN

khushi se jee nah sakuN aur khushi se mar nah sakuN.

(khushi / sakuN)

Shayer: Abdullah Nazir.

Nazir.

Abdullah Nazir · Post by **Abdullah Nazir** » Tue Feb 07, 2006 5:02 am

gulaoN ki dilrubaayi hei chaman meiN mausam-e-gul tak

KhizaaN meiN kaun aisaa hei jo inke kaam aataa hei.

khizaaN / hei

Shayer: Nazir.

Nazir.

Post by **Daanish** » Thu Feb 09, 2006 3:41 am

hai apni yeh salaah ke sab zaahidaan-e-shehr
ai Dard! aa ke ba'it-e-dast-e-subu, kareN--Khaja Meer Dard

ai/kareN

Abdullah Nazir · Post by **Abdullah Nazir** » Sat Feb 11, 2006 2:28 pm

soute rehte heiN jahaaN waale baRe aaraam se

kashmakash rehti hei meri, Hasrat-e-naakaam se.

(kashmakash / se)

Shaayer: Abdullah Nazir.

Nazir.

Sher ke doosre misre ke pehle/aakhri alfaaz se sher kahiye!

"jaayenge"

"rahaa"

"tiraa"

"agar"

"ham"

pauNhchegi

milaa

gulaoN

"soute"