Lafz par ashaar#33- Mai/Sharaab...

Post by **balvinder** » Mon Jan 22, 2007 10:29 am

piyo sharaab javaano ! ki mausam-e-gul hai
hamein bheeyaad vah ahad-e-shabaab aataa hai

khwaaja ahasan allakha'n ''bayaan''

Abdullah Nazir · Post by **Abdullah Nazir** » Tue Jan 23, 2007 4:38 am

Mai-faroushi se tiri inkaar kab hei saaqiyaa

Mere HiSSeh kee magar kiyuN jaam tak pahounchi nahiN.

Shaayer: Abdujllah Nazir.

Nazir.

Post by **balvinder** » Tue Jan 23, 2007 10:12 am

tauba se hamaaree botal achchhee
jab tootee hai, jaam ho gayee hai

''riyaz' khairabadi

Abdullah Nazir · Post by **Abdullah Nazir** » Tue Jan 23, 2007 11:10 pm

saaqiyaa ham tire kaAbe meiN bhee peete heiN sharaab

yeh alag baat ke behoush nahiN houte heiN

Note: (yahaN sharaab ke maAni sharbat ke liye gaye heiN.)
Shayer: Abdullah Nazir.

Nazir.

hassan_bashir · Post by **hassan_bashir** » Wed Jan 24, 2007 5:41 pm

mere ashk bhii haiN is meiN ye sharaab ubal na jaaye
meraa jaam chhuune vaale teraa haath jal na jaaye

Post by **balvinder** » Thu Feb 08, 2007 9:43 am

peete hain ek jaam mein, zaahid bhee rind bhee
manzar ye maikade ka bhee, kitnaa ajeeb hai

Fri Feb 09, 2007 9:51 am

sharab cheez hee aesee hai nah ch~oRee jae
yeh mere yaar ke jaesee hai nah ch~oRee jae!

Post by **balvinder** » Fri Feb 09, 2007 3:25 pm

jis raah mein ai vaa'iz, sooraj hai ik-ik zarraa
sunte hain vahee rasta maikhaane ko jaaye hai

Post by **balvinder** » Sat Feb 10, 2007 2:25 pm

eid aayee, aa ki saaqee, eid ka saamaa'n karein
din hai qurbaanee ka, ham bhee taubaa ko qurbaa'n karein

akhtar shiraani

Post by **balvinder** » Mon Mar 12, 2007 12:26 pm

ye jaam hii bas piikar, tauba mujhe karnii hai
qurbaan mere saaqii, bhar de meraa paimaanaa

hassan_bashir · Post by **hassan_bashir** » Wed Apr 04, 2007 4:44 pm

tire karam ki zaroorat hai, peer-e-maiKhaana!
phir aaj hosh meN aane lagaa hai deevaana!

Post by **balvinder** » Fri Apr 13, 2007 10:18 am

too pilaa mujhe thoRhii sii, magar josh-e-tamanna daal kar
too de mujhe qatraa, magar qatre meiN dariyaa daal kar

ummassad · Post by **ummassad** » Sat Apr 28, 2007 11:38 pm

puraney saagaroun main jub khanak baqhi nahi rehti .
tuu gardish main naiya jam.e. sharaab aaya hi kerta hey.

Post by **balvinder** » Fri Jul 20, 2007 3:16 pm

rah gaye dekhte muNh qaazii-o-vaaiz saare
riNd piite hi rahe aour vo pilaate hi rahe

Post by **balvinder** » Fri Jul 20, 2007 3:22 pm

rah gaye dekhte muNh qaazii-o-vaaiz saare
riNd piite hi rahe aour vo pilaate hi rahe