Lafz par ashaar#28-"taSveer" per ashAar likhiye

hassan_bashir · Post by **hassan_bashir** » Thu Dec 21, 2006 8:18 am

haaaaaaadise aur bhii guzare terii ulfat ke sivaa
haaN mujhe dekh mujhe ab merii tasviir na dekh

Post by **muhammad_19k** » Thu Dec 21, 2006 8:49 pm

band aankhoaN se zamane meiN chala phirtaa hooN meiN
aankh meiN tasweer jub se hai tairi aa-ee hoee.

ShaAer: Muhamamd Khawar.

Post by **balvinder** » Mon Dec 25, 2006 10:47 am

main'ne to yoo'n hee raakh mein feree thee'n ungaliyaa'n
dekhaa jo gaur se, teree tasveer ban gayee

hassan_bashir · Post by **hassan_bashir** » Mon Dec 25, 2006 12:02 pm

aap ne tasviiiiiiiiiiiiiiiiiir bhejii maiN ne dekhii Ghaur se
har adaa achchhii, Khaamoshii kii adaa achchhii nahiiN

Post by **balvinder** » Mon Dec 25, 2006 12:38 pm

ab meraa dil mujhe tasveer-e-kadaa lagtaa hai
teree yaado'n ne yahaa'n naqsh ubhaare kitne

Abdullah Nazir · Post by **Abdullah Nazir** » Tue Dec 26, 2006 2:20 am

mujh se her dam tiri taSveer yehi poochti hei

lauTkar waadiy-e-ghurbat se nahiN aaouge kyaa.

Shaayer: Abdullah lNazir.

Nazir.

hassan_bashir · Post by **hassan_bashir** » Tue Jan 16, 2007 6:38 am

hamane dikhaa dikhaa terii tasviir jaa-ba-jaa
har ik ko apanii jaan kaa dushman banaa liyaa

Abdullah Nazir · Post by **Abdullah Nazir** » Tue Jan 23, 2007 6:41 am

TaSveer pheeki paRgayi tere firaaq meiN

jisko uThaake rakhdiyaa maiN ne bhee Taaq meiN.

Shaayer: Abdujllah Nazir.

Nazir.

Abdullah Nazir · Post by **Abdullah Nazir** » Tue Jan 23, 2007 11:52 pm

Muddat se tuu ne tskkhaa mujhe jhooTi aas meiN

Tere baghair mmaiN tiri taSveer kyaa karooN.

Shayer: Abdullah Nazir.

Nazir.

Post by **balvinder** » Sat Feb 03, 2007 10:36 am

usne dekhaa hee nahee'n apnee hathelee ko kabhee
usmein dhundlee see kahee'n meree bhee tasveer to hai

MAHROO · Post by **MAHROO** » Wed Mar 28, 2007 10:16 pm

uski tasveer nigahon mein basakar hamne
usi ko dekha har chehre mein bar bar hamne

MAHROO · Post by **MAHROO** » Wed Mar 28, 2007 10:23 pm

vaada wafa karenge ham tujse visaal ka
tasveer se kya karta gila hai dildaar ka?

hassan_bashir · Post by **hassan_bashir** » Wed Apr 04, 2007 4:36 pm

lagataa hai kaii raatoN se jaagaa thaa musavvir
tasviir kii aaNkhoN se thakan jhaaNk rahii hai

ummassad · Post by **ummassad** » Mon May 07, 2007 7:48 pm

natawani meri dekhi tuu musawer ne kaha.
der hey khud aap hi khinch aayen na tasweer ke saath.

urdudiya · Post by **urdudiya** » Tue May 22, 2007 1:04 pm

baat karti nahiiN mujh sey tairi tasveer kabhii

tuu bhi maghroor hei zaalim tairi tasveer bhii