:: kyaa kejiye begam ke haiN armaan ziyaadaa :) ::

Post by **Star Mind** » Tue Apr 10, 2007 5:06 pm

Yaaran-e-anjuman , aadaab !

aaj pehlii baar baa-qaai'da aek mizaaHiya hazal paish kar rahaa hooN , ummeed hai k pasand aaye gii ! ;D shukriya !

yeh meeri baa-qaai'da taur par pehlii mizaaHiya koshish hai ! . shukriya

:: Urdu Version ::

:: Roman Version ::

1.

hotaa hai abhii qarZoN pe guzraan ziyaadaa !
kyaa kejiye begam ke haiN armaan ziyaadaa !

2.

ho jaaye na meraa kaheN nuqSaan ziyaadaa !
kartaa naheeN begam ko pareeshaan ziyaadaa !

3.

mat poochh k kyaa Hashr miraa karti hai begam
jab ghar pe kabhii aate haiN mehmaan ziyaadaa !

4.

us roz to beham ke karaaTe naheN pochho !
jis roz police karti hai chaalaan ziyaadaa !

5.

is fikr meiN GhaltaaN hooN, kahaaN sab ko rakhooNga ?
saaloN se kaheeN un ke haiN saamaan ziyaadaa !

6.

tum Husn ka chaaqoo ho, maiN hooN i'shq ka tarbooz !
batlaa'o zaraa kis ka hai nuqSaan ziyaadaa ?

7.

maiN kaise bataa'oN k yahaaN kon HaseeN hai ?
make-up ki naheeN hai mujhe pehchaan ziyaadaa !

8.

khaate howe leader ko jo dekhaa to yeh jaanaa
Haivaan se bhii bhooke haiN insaan ziyaadaa !

9.

pooraa yeh kareN aek hi va'daa to bahut hai !
haaN , qaum se karte raheN paimaan ziyaadaa !

10.

saHraa naheeN, voh ahl-e-siyaasat ka hai eevaaN !
hote haiN jahaaN chaak, gareebaan ziyaadaa !

11.

Allah nigah-baan ho ma'yaar-e-Ghazal kaa !
shaai'r ke to baaloN se haiN deevaan ziyaadaa !

12.

meeThii hai kahaaN tere Zia ki abhi chaaye
dau chaar chamach aur mirii jaan ziyaadaa !

...............................................................................

shukriya

Zia Baloch

Post by **munir-armaan-nasimi** » Tue Apr 10, 2007 6:07 pm

BHAI WAH ZIA BALOCH SAHEB.....

kyaa kejiye begam ke haiN armaan ziyaadaa !

aap unko ek 'munir armaan' laa diziye phir dekhiye wohh aap ko 'bhagwaan' manne lagengi aur aap 'pareshaan' hona chhod denge.

aap ka sautela mehmaan,

Munir Armaan

Post by **sbashwar** » Thu Apr 12, 2007 1:18 pm

Zia saheb, barhi safai se begum aur leader ekja kardiye hain. Pehli, magar kamyab koshish rahi aapki.
Meri daad aur mubarakbaad qubool farmaye.

Post by **muhammad_19k** » Sun Apr 15, 2007 4:41 am

Janab Zia Baloach SaHeb

eemaandaari ki baat hai tamaa ashaar hi bohat pasand aa-aye. laikin ye

maiN kaise bataa'oN k yahaaN kon HaseeN hai ?
make-up ki naheeN hai mujhe pehchaan ziyaadaa !

Janab mat poochiaye.

mukhliS,
Muhammad K. Siddiqui.

Post by **Shummu** » Mon Apr 16, 2007 5:42 pm

ha ha ha bahut khoob zia bahut khoob..mazaa aa gaya..pehli dafa mein hi itna kamaal likha hai..mizaah bharpoor hai...

daad pesh hai..ummeed hai aayenda bhi aise hi mazaahiya ghazlon se humein lutfandoz hone ka mauqa doge

Post by **Star Mind** » Sun Apr 22, 2007 9:39 am

sara_j wrote:
Star Mind wrote:Yaaran-e-anjuman , aadaab !

aaj pehlii baar baa-qaai'da aek mizaaHiya hazal paish kar rahaa hooN , ummeed hai k pasand aaye gii ! ;D shukriya !

yeh meeri baa-qaai'da taur par pehlii mizaaHiya koshish hai ! . shukriya

:: Urdu Version ::

:: Roman Version ::

1.

hotaa hai abhii qarZoN pe guzraan ziyaadaa !
kyaa kejiye begam ke haiN armaan ziyaadaa !

2.

ho jaaye na meraa kaheN nuqSaan ziyaadaa !
kartaa naheeN begam ko pareeshaan ziyaadaa !

3.

mat poochh k kyaa Hashr miraa karti hai begam
jab ghar pe kabhii aate haiN mehmaan ziyaadaa !

4.

us roz to beham ke karaaTe naheN pochho !
jis roz police karti hai chaalaan ziyaadaa !

5.

is fikr meiN GhaltaaN hooN, kahaaN sab ko rakhooNga ?
saaloN se kaheeN un ke haiN saamaan ziyaadaa !

6.

tum Husn ka chaaqoo ho, maiN hooN i'shq ka tarbooz !
batlaa'o zaraa kis ka hai nuqSaan ziyaadaa ?

7.

maiN kaise bataa'oN k yahaaN kon HaseeN hai ?
make-up ki naheeN hai mujhe pehchaan ziyaadaa !

8.

khaate howe leader ko jo dekhaa to yeh jaanaa
Haivaan se bhii bhooke haiN insaan ziyaadaa !

9.

pooraa yeh kareN aek hi va'daa to bahut hai !
haaN , qaum se karte raheN paimaan ziyaadaa !

10.

saHraa naheeN, voh ahl-e-siyaasat ka hai eevaaN !
hote haiN jahaaN chaak, gareebaan ziyaadaa !

11.

Allah nigah-baan ho ma'yaar-e-Ghazal kaa !
shaai'r ke to baaloN se haiN deevaan ziyaadaa !

12.

meeThii hai kahaaN tere Zia ki abhi chaaye
dau chaar chamach aur mirii jaan ziyaadaa !

...............................................................................

shukriya

Zia Baloch
shukriya zia bhai itni mazaedaar hazal ke liye

ansuon ko pochker humare chehre per muskurahat bikher di

aapne.

Allah ta'ala aapko is tarah hansta basta rakhe

dua go

sara

benaa! aadaab !

ma'zirat k der ho ga'ii ! kyaa karooN , ab to aa'aadat hoga'ii hai !

bahut mamnoon hooN k aap ko is aHqar bhaa'i ki hazl pasand aa'ii hai ! nehaayat mamnoon hooN :)

shukriya

Zia Baloch

Post by **Star Mind** » Sun Apr 22, 2007 9:45 am

sbashwar wrote: Zia saheb, barhi safai se begum aur leader ekja kardiye hain. Pehli, magar kamyab koshish rahi aapki.
Meri daad aur mubarakbaad qubool farmaye.

Saalim SaaHib, aadaab !

janaab aap ki zarra-navaazii hai ! nehaayat mamnoon hooN ! shukriya

Zia Baloch

Post by **Star Mind** » Sun Apr 22, 2007 9:51 am

muhammad_19k wrote:Janab Zia Baloach SaHeb

eemaandaari ki baat hai tamaa ashaar hi bohat pasand aa-aye. laikin ye

maiN kaise bataa'oN k yahaaN kon HaseeN hai ?
make-up ki naheeN hai mujhe pehchaan ziyaadaa !

Janab mat poochiaye.

mukhliS,
Muhammad K. Siddiqui.

Siddiqui SaaHib, aadaab !

janaab nehaayat mamnoon hooN k aap ne itne KhoobSoorat andaaz meiN daad se navaazaa hai ! aap kaa tah-e-dil se mamnoon hooN ! shukriya

Zia Baloch

Post by **Star Mind** » Sun Apr 22, 2007 9:53 am

Shummu wrote:ha ha ha bahut khoob zia bahut khoob..mazaa aa gaya..pehli dafa mein hi itna kamaal likha hai..mizaah bharpoor hai... daad pesh hai..ummeed hai aayenda bhi aise hi mazaahiya ghazlon se humein lutfandoz hone ka mauqa doge

janaab !bahut shukriya aap kaa ! yeh sab aap kii SuHbat ka acar hai !

aap tayyar rahiye , maiN aek fresh kalaam ke saath phir Haazir hotaa hooN ! :)

shukriya

Zia Baloch

:: kyaa kejiye begam ke haiN armaan ziyaadaa :) ::

:: kyaa kejiye begam ke haiN armaan ziyaadaa :) ::

Re: :: kyaa kejiye begam ke haiN armaan ziyaadaa :) ::