Nazir Abdullaah, Abdullaah Nazir ho gaye ...ek Nazm

[jawaid badauni]

Dosto! Salam qubool kijiye

Abdullah Nazir SaaHab ek arSey se bistar.e alaalat per haiN. JahaN yeh Khabar hamare liye baaYiSe sukoon hai keh ab masha' Allah unki sehat thik hai waheeN unki musalsal kamee hamare liye baayiS. fikr hai. Allah unheN jald is qabil kardey keh woh hamaree maHafil meN pabandee se shareek hoker unki raunaq meN izafah farmayeN (aamin).

Yeh nazm maiN ne bohat arSey qabl Nazir Saahab per kahi thee jo meri Ghaflat ke sabab kahiN kho gayee thee. Aaj achanak mil gaii to socha isko ek baar phir "post" kar dooN. Bohat se naye membraan ki nazar se nah guzree hogee.

Abdullah Nazir Saahab ka naam daur.e shaairee se qabl Nazir Abdullah tha. Yeh nazm unki zindagee ke un halat ki tarjumanee kartee hai jo Udsutan meN unke ek "interview" meN bayaan kiye gaye they. Nazm meN kahiN bhi mubaliGhe se kaam nahiN liya gaya hai.

Aapka MuKhlis
Jawaid Badauni
---------------------------------------------------------------------------



Nazir Abdullaah, Abdullaah Nazir ho gaye


Bhool baiThe naam ilm.o.fun meN aise kho gaye
Nazir Abdullaah, Abdullaah Nazir ho gaye

Baap se virSey meN har insaaN ko mil jata hai dhan
Unko virse meN mila ilm.o.hunar, funn.e suKhan

Ek Khand.har se uTha laaye the deevane “Ghareeb”
Aur wohee deevaan le aaya unheN fun ke qareeb

Kia “Ghareeb” ashAAr meN tere kahsish thee marhaba
Jin ko paRhkar ek Abdullaah, Nazir ban gaya

Hazrat-e “Talib” ki islaahoN ne dikhlaya kamaal
Tifl-e maktab ko bana daala suKhanwar be miSaal

PaaooN baRhte hi rahe ik manzil-e kamyaab tak
Ibteda-e Shairee se “Gauhar-e Shabtaab” tak

Baadshah-e fun haiN phir bhi dil meN sub ka eHtraam
Hazrat-e Nazir! tumahre zarf ko mera salam

Kaash har dilmeN yahee jazba yehi andaaz ho
Hum se barham ho nah koii ek pal naraaz ho

Ihtraam.e ahl-e fun ki paasdaari dekhiye
Sub ko behtar maante haiN inkesaari dekhiye

Jaante to khoob hoNge fun meN apna woh maqam
Phir bhee karte haiN woh har ahl-e suKhan ka aHteram

Hazrat-e Nazir suKhan ke mahfiloN ki shaan haiN
“Urdubandhan” ho keh “Urdustaan” sub ki jaan haiN

“Mahfile sheir.O.Sukhan” ki hai unhee se aab.o.taab
Ab “Aligarians” meN bhi aate jaate haiN janab

Chund lamhe hazrat-e Nazir Thahar jaayeN jahaN
KyooN nah ban jaaye SuKhan ka ek maiKhana wahaN ?

Hai doa meri woh qaid-e ranj se aazad hoN
Ya Ilahi woh hamesha shaad hoN aabaad hoN

Saya-e Nazir rahe sir peh hamare ai Khooda
Ho unheN “ M’Abood-e barhaq” umr-e Toolaani ataa


Jawaid Badauni

[Muzaffar Ahmad Muzaffar]

moHtaram Jawaid Badauni SaHib aadaab!

har dil a'azeez shae'er Janab Abdullah Nazir SaHib ke liye yeh nazm agarcheh QaSeedah kehna chahiye. lekin aap ne ise nazm likh~a hai to is kheyaal se maiN ne bh~ee nazm hee kaha.

maashAllah bohot khubSurat she'er kahe haiN aap ne. aap kee is nazm ko dekh~ kar aap kee QaSeedah gaoee par achch~ee khaSee dastaras ka pata chalta hai.

khuda aap ke zabaan-o-bayaan meN mazeed taraqqee aor kamaal paeda farma de! (Ameen)

Nazir Abdullaah, Abdullaah Nazir ho gaye


Bhool baiThe naam ilm.o.fun meN aise kho gaye
Nazir Abdullaah, Abdullaah Nazir ho gaye

Baap se virSey meN har insaaN ko mil jata hai dhan
Unko virse meN mila ilm.o.hunar, funn.e suKhan

Ek Khand.har se uTha laaye the deevane “Ghareeb”
Aur wohee deevaan le aaya unheN fun ke qareeb

Kia “Ghareeb” ashAAr meN tere kahsish thee marhaba
Jin ko paRhkar ek Abdullaah, Nazir ban gaya

Hazrat-e “Talib” ki islaahoN ne dikhlaya kamaal
Tifl-e maktab ko bana daala suKhanwar be miSaal

PaaooN baRhte hi rahe ik manzil-e kamyaab tak
Ibteda-e Shairee se “Gauhar-e Shabtaab” tak

Baadshah-e fun haiN phir bhi dil meN sub ka eHtraam
Hazrat-e Nazir! tumahre zarf ko mera salam

Kaash har dilmeN yahee jazba yehi andaaz ho
Hum se barham ho nah koii ek pal naraaz ho

Ihtraam.e ahl-e fun ki paasdaari dekhiye
Sub ko behtar maante haiN inkesaari dekhiye

Jaante to khoob hoNge fun meN apna woh maqam
Phir bhee karte haiN woh har ahl-e suKhan ka aHteram

Hazrat-e Nazir suKhan ke mahfiloN ki shaan haiN
“Urdubandhan” ho keh “Urdustaan” sub ki jaan haiN

“Mahfile sheir.O.Sukhan” ki hai unhee se aab.o.taab
Ab “Aligarians” meN bhi aate jaate haiN janab

Chund lamhe hazrat-e Nazir Thahar jaayeN jahaN
KyooN nah ban jaaye SuKhan ka ek maiKhana wahaN ?

Hai doa meri woh qaid-e ranj se aazad hoN
Ya Ilahi woh hamesha shaad hoN aabaad hoN

Saya-e Nazir rahe sir peh hamare ai Khooda
Ho unheN “ M’Abood-e barhaq” umr-e Toolaani ataa

meree dilee dad aor mubarak baad qubool kijiye!

Wassalam
Muz^affar

[jawaid badauni]

Azeezi Muzaffar Saahab
Salam aur doa

Bohat bohat shukriya. Yeh Nazm bohat pahle kahee thee magar aap ne ab dekhi hai. Aap jis tarah kalam ki daad dete haiN us se shayar ki bohat himmat afzaaii hotee hai. Jazak Allah. JahaN tak qaseedah kahne ka sawaal hai, meri dou kitabeN haiN jinmeN mere qaseedoN ke siwa kuch nahiN. MadH.e Ahl.e bait meree shairee ka Khaac mazmoon hai.

Aap kee taSveer dekhi. Shakl bhi utni hi achchee hai jitna dil. Lagta hai aap per bhee kuch kahna paRega ek din.

Hamaree doa hai Nazir Saahab ko Allah sehat e kaamil.o.aajil ataa farmaye (aamin).

MuKhliS
Jawaid
__________

[Muzaffar Ahmad Muzaffar]

Azeezi Muzaffar Saahab
Salam aur doa

Bohat bohat shukriya. Yeh Nazm bohat pahle kahee thee magar aap ne ab dekhi hai. Aap jis tarah kalam ki daad dete haiN us se shayar ki bohat himmat afzaaii hotee hai. Jazak Allah. JahaN tak qaseedah kahne ka sawaal hai, meri dou kitabeN haiN jinmeN mere qaseedoN ke siwa kuch nahiN. MadH.e Ahl.e bait meree shairee ka Khaac mazmoon hai.

Aap kee taSveer dekhi. Shakl bhi utni hi achchee hai jitna dil. Lagta hai aap per bhee kuch kahna paRega ek din.

Hamaree doa hai Nazir Saahab ko Allah sehat e kaamil.o.aajil ataa farmaye (aamin).

MuKhliS
Jawaid
__________

moHtaram Jawaid Badauni SaaHib aadaab-o-tasleemaat!

jawaab-ul-jawaab mila. shukriyah!

Aap kee taSveer dekhi. Shakl bhi utni hi achchee hai jitna dil. Lagta hai aap per bhee kuch kahna paRega ek din.

yeh aap ka Husn-e-naz^ar hai. keh aap ko meree taSweer achch~ee lagee.

jahaaN tak nakarah par kuch~ likh~ne ka ta'luq hai. to agar aap naheeN likh~eeN ge. to eHtejaaja" ham hee kuch~ likh~ deeN ge.

khaer agar aap mazaaq naheeN kar rahe to bandah muntaz^ir rahe ga.

khush raheeN!

Wassalam
khaer andesh!
Muz^affar