Ghazal haazir-e-khidmat he !

Kuhnah mashq ShoAraa kaa kalaam jo beHr meiN hounaa zaroori hei

Moderator: Muzaffar Ahmad Muzaffar

Post Reply
azm behzad
-
-
Posts: 7
Joined: Thu Apr 12, 2007 5:54 am

Ghazal haazir-e-khidmat he !

Post by azm behzad »

Haaziriin-e-mehfil,
Aadaab !

Aaj pehli baar iis bazm meiN apne TuuTe phuuTe Ash'Aar ke saathh
haazir ho rahaa huuN.eik taazaah Ghazal haazir-e-khidmat he.iss mein
agar koii khuubi nazar aaye to usey mohtaremah saaraa jabiiN ka
kamaal tasav'vur kiijiye ga k uun kaa paiham iSraar mujhe yahaaN
khaiNch kar laayaa he.tou Haaziriin Ghazal mulaahizaah farmaaiye:


Bolte heiN yuuN k shaayad khud ko sun'naa chaahte heiN
apne sar ham apni hi baatoN pe dhun'naa chaahte heiN


pehle apni khuaahishoN ko ham ne har jaanib bakhheraa
ab unheiN hasrat zadaah palkoN se chun'naa chaahte heiN


apni chup kaa ik sabab yeh he k farhaNg-e-bayaaN meiN
lafz voh na-paid heiN jo log sun'naa chaahte heiN


sab ko ehsaas-e-tahaf'fuz ne hiraasaaN kar diyaa he
sab hi apne saamne diivaar chun'naa chaahte heiN


Azm khhultaa hi nahiiN iis raaye-gaani ki fazaa meiN
ham yahaaN kis zindagi ke khuaab bun'naa chaahte heiN


Azm Behzad
Top
Muzaffar Ahmad Muzaffar
-
-
Posts: 1258
Joined: Sun Feb 12, 2006 1:40 pm
Location: London, England
Contact:
Contact Muzaffar Ahmad Muzaffar

Re: Ghazal haazir-e-khidmat he !

Post by Muzaffar Ahmad Muzaffar »

azm behzad wrote:Haaziriin-e-mehfil,
Aadaab !

Aaj pehli baar iis bazm meiN apne TuuTe phuuTe Ash'Aar ke saathh
haazir ho rahaa huuN.eik taazaah Ghazal haazir-e-khidmat he.iss mein
agar koii khuubi nazar aaye to usey mohtaremah saaraa jabiiN ka
kamaal tasav'vur kiijiye ga k uun kaa paiham iSraar mujhe yahaaN
khaiNch kar laayaa he.tou Haaziriin Ghazal mulaahizaah farmaaiye:


Bolte heiN yuuN k shaayad khud ko sun'naa chaahte heiN
apne sar ham apni hi baatoN pe dhun'naa chaahte heiN


pehle apni khuaahishoN ko ham ne har jaanib bakhheraa
ab unheiN hasrat zadaah palkoN se chun'naa chaahte heiN


apni chup kaa ik sabab yeh he k farhaNg-e-bayaaN meiN
lafz voh na-paid heiN jo log sun'naa chaahte heiN


sab ko ehsaas-e-tahaf'fuz ne hiraasaaN kar diyaa he
sab hi apne saamne diivaar chun'naa chaahte heiN


Azm khhultaa hi nahiiN iis raaye-gaani ki fazaa meiN
ham yahaaN kis zindagi ke khuaab bun'naa chaahte heiN


Azm Behzad

moHtaram Azm Behzad SaaHib aadaab-o-tasleemaat! :rose

Aap kee aamad hamare liye aor saree meHfil ke liye bae'ic-e-Sad iftekhaar hai. aap ko ham sab mimbaraan-e-UrduBandhan kee janib se "Khush Amdeed" kaha jata hai.

hamare bazm ko yeh aa'zaaz HaaSil hai keh hamare haaN aek aa'la mea'aar ka adabee meHool hai. jahaaN sab mimbaraam ko seekh~ne aor sikh~ane ka bh~arpoor maoqa' musassar hai. yeh baat baRe yaqeen aor aa'tamaad se kahee ja saktee hai keh aap bh~ee hameeN apnee abadee aor i'lmee SalaHiyatooN se mustafeed hone ka maoqa' dete rahe ge.

maiN Saara JabeeN saHibah ka teh-e-dil se mamnoon hooN keh aap aese mukhliS insaan ko bazm meN lane ka bai'c baneeN.



Bolte heiN yuuN k shaayad khud ko sun'naa chaahte heiN
apne sar ham apni hi baatoN pe dhun'naa chaahte heiN


pehle apni khuaahishoN ko ham ne har jaanib bakhheraa
ab unheiN hasrat zadaah palkoN se chun'naa chaahte heiN


apni chup kaa ik sabab yeh he k farhaNg-e-bayaaN meiN
lafz voh na-paid heiN jo log sun'naa chaahte heiN


sab ko ehsaas-e-tahaf'fuz ne hiraasaaN kar diyaa he
sab hi apne saamne diivaar chun'naa chaahte heiN


Azm khhultaa hi nahiiN iis raaye-gaani ki fazaa meiN
ham yahaaN kis zindagi ke khuaab bun'naa chaahte heiN

aap kee Ghazal qabil-e-ta'reef hai. sabh~ee she'er khubSurat haiN. meree janib se is kamyaab koshish par dilee dad aor mubarak baad qubook kijiye!

Wassalam
Muz^affar A Muz^affar
Top
azm behzad
-
-
Posts: 7
Joined: Thu Apr 12, 2007 5:54 am

Post by azm behzad »

MoHtaram Muzaf'far A Muzaf'far saahib,
Aadaab!

Aap ki jaanib se yeh piziiraaii mere liye baa'is-e-tamaaniyat he. meiN inshaa-allaah vaqtan favaqtan iis bazm meiN haazir
hotaa rahuN ga.yahaaN aap ko janaab sarwar aalam raaz saahib jaise qaadir-ul-kalaam shaa'ir ki sarparasti haasil he,
iin buzurgoN se jii bhar ke faiz uthhaa leiN.

Ghazal aap ko pasand aaii yeh mere liye khushi aur saaraa jabiiN saahibaah ke liye amr-e-mubarak-baadi he.
inshaa-allaah haazir hotaa rahuN ga.

yaar zindah suhbat baaqi.

khair-andesh
Azm Behzad[align=left][/align][align=center][/align]
Top
azm behzad
-
-
Posts: 7
Joined: Thu Apr 12, 2007 5:54 am

Post by azm behzad »

MoHtaremah saaraa jabiiN saahibah,

Aap ne Ghazal ko pasand kiya,bohat bohat shukriyah.

qavaafi ki taNg'gi ke sabab sirf paaNch ashAar hi keh paayaa.

du'Aa kiijiye behtar se behtar likhhtaa rahuuN.

taalib-e-harf-o-navaa

Azm Behzad
Top
User avatar
muhammad_19k
-
-
Posts: 540
Joined: Wed Nov 22, 2006 8:36 am
Location: Lahore
Contact:
Contact muhammad_19k

Post by muhammad_19k »

JANAB AZM BEHZAAD SAHEB,

apni iss khoobSoorat kaavish ko hamaray saath share karne ke leeaye mirii taraf se bhi mubarakbaad qabool kijiaye.

ALLAH karay zor e qalam aor zyaadaa.


dua'aa goa,
MUHAMMAD K. SIDDIQUI
Muhammad K. Siddiqui.
+92 321 4435273

938-C-Faisal Town, Lahore.
Pakistan.
+92 42 111516516
muhammad_19k@hotmail.com
Top
User avatar
yasir shah
-
-
Posts: 191
Joined: Mon Mar 14, 2005 2:17 pm
Location: karachi
Contact:
Contact yasir shah

Post by yasir shah »

muHtaram Azm SaaHib !

aap kaa is maHfil meN khairmaqdam kartaa hooN -meree t'araf se is she'r peh dilee daad qubool farmaaiye:

apni chup kaa ik sabab yeh he k farhaNg-e-bayaaN meiN
lafz voh na-paid heiN jo log sun'naa chaahte heiN


weeraan zameen-o-baHr meN raushan imkaanaat ki talaash aap ki mushkil pasand fit'rat ki Ghammaaz hay -is ke liye bhi daad qubool keejiye-


yasir
Top
azm behzad
-
-
Posts: 7
Joined: Thu Apr 12, 2007 5:54 am

Post by azm behzad »

muhammad_19k wrote:JANAB AZM BEHZAAD SAHEB,

apni iss khoobSoorat kaavish ko hamaray saath share karne ke leeaye mirii taraf se bhi mubarakbaad qabool kijiaye.

ALLAH karay zor e qalam aor zyaadaa.


dua'aa goa,
MUHAMMAD K. SIDDIQUI

moHtaram siddiqui saahib!

Aap ki jaanib se iis hauslah-afzaaii ka shukriyah.

duAa kiijiye k allaah behtar se behtar likhhne ki taufiiq

ataa farmaye.

khair andesh

Azm Behzad
Top
azm behzad
-
-
Posts: 7
Joined: Thu Apr 12, 2007 5:54 am

Post by azm behzad »

yasir shah wrote:muHtaram Azm SaaHib !

aap kaa is maHfil meN khairmaqdam kartaa hooN -meree t'araf se is she'r peh dilee daad qubool farmaaiye:

apni chup kaa ik sabab yeh he k farhaNg-e-bayaaN meiN
lafz voh na-paid heiN jo log sun'naa chaahte heiN


weeraan zameen-o-baHr meN raushan imkaanaat ki talaash aap ki mushkil pasand fit'rat ki Ghammaaz hay -is ke liye bhi daad qubool keejiye-


yasir


moHtaram yasir shah saaHib!

istaqbaalii kalemaat aur Ghazal par apni garaaN-qadr raaye

dene kaa shukriyaa. baat aap ne durust farmaaii k behr to

nahiiN laikiN zamiin qavaafii ki tangi ke baa'is bohat mushkilaat

paidaa kar rahi thii,so uus kaa Hal yeh nikaalaa k qavaafii ko

duhraa liyaa gayaa.

Aap ka eik baar phir shukriyah.

niyaaz-mand

Azm Behzad
Top
Star Mind
-
-
Posts: 365
Joined: Sat Dec 11, 2004 11:39 pm
Location: Balochistan
Contact:
Contact Star Mind

Post by Star Mind »

moHtarami janaab Azm behzaad SaaHib, aadaab !

aap ko yahaaN dekh kar dilii masarrat ho'ii, yaqeena" aap ki aamad se meHfil ki raunaqoN meiN izaafa hogaa ! aur yeh baat ham sab ke liye baa'c-e-faKhr hai ! :) ham aap ka is meHfil meiN dil ki gehraa'iyooN se isteqbaal karte haiN ! :)

aap ke qalam ke to ham ab aek sanjeeda maddaaH haiN ! aap kaa munfarid andaaz hameN be-Had pasand hai ! yeh taKhleeq bhii be-Had pasand aa'ii hai ! daad qubool kejiye ! shukriya

Zia Baloch
Dikhaadi shaan, phir ahl-e-chaman ko, Be-niyaazi ki

Khamoshi se jhatak kar, aaj phir, dast-e-sabaa maiN ne

Zia Baloch
Top
azm behzad
-
-
Posts: 7
Joined: Thu Apr 12, 2007 5:54 am

Post by azm behzad »

Star Mind wrote:moHtarami janaab Azm behzaad SaaHib, aadaab !

aap ko yahaaN dekh kar dilii masarrat ho'ii, yaqeena" aap ki aamad se meHfil ki raunaqoN meiN izaafa hogaa ! aur yeh baat ham sab ke liye baa'c-e-faKhr hai ! :) ham aap ka is meHfil meiN dil ki gehraa'iyooN se isteqbaal karte haiN ! :)

aap ke qalam ke to ham ab aek sanjeeda maddaaH haiN ! aap kaa munfarid andaaz hameN be-Had pasand hai ! yeh taKhleeq bhii be-Had pasand aa'ii hai ! daad qubool kejiye ! shukriya

Zia Baloch

moHtaram zia baloch saaHib,

Assalaam-o-Alaikum!

Aap ke pur-khuluus istabaaliyah kalemaat ka be-Had shukriyah.

iis bazm meiN meraa aanaa apne ikhtiyaar se kam aur aHbaab

ke iSraar se ziyaadah huaa. meiN "taNg'gi-e-vaqt " kaa shikaar

aadami huuN.iis liye baqaul e shaad aZiim aabaadi yuuN samajh

liijiye"maiN khud aayaa nahiiN laayaa gayaa huuN".

maiN ne aHbaab se vaadah kiyaa he k insha-allaah vaqtan favaqtan

haaziri detaa rahuuN ga.

aap ko Ghazal ach'chhi lagi yeh mere liye tamaaniyat ki baat he.

khush rahiye aur yuuN hi adab ki khidmat meiN juTe rahiye.

niyaaz-mand

Azm Behzad
Top
Post Reply

Return to “Kalaam-e-Sukhanwar”