Guzarish # 28- Siddiqui.

Post by **muhammad_19k** » Mon May 07, 2007 4:21 am

Salam dosto,

Iss baar taraH miSraa daikhne meiN jaisaa aasaan lag rahaa thaa, likhte waqt aisaa aasaan Caabit na huwa. mushkil se hi is qadar ahsaar likh paayaa hooN ke ghazal ka naam diyaa ja sake. aor un meiN bhi koi khaaS sher na keh sakaa. laikin kiyaa ke ta'meel e Hukm to karnaa thi so jo kuch hai. Haazir e khidmat hai.

aap ki rehnamai ka taalib.
SIDDIQUI.

Post by **muhammad_19k** » Mon May 07, 2007 4:27 am

GHAZAL IN ROMAN

1. sune kon kia kia woh farma rahay haiN.
ham un ko hi bas daikhte jaa rahay haiN.

2. bulaate haiN woh ham ko aa jao milne
jafaaoaN pe ham apni sharmaa rahay haiN

3. haiN yooN motibar un ki chokhat ke pathar,
jabeeN jhukne waloaN ki chamkaa rahaiN haiN.

4. unhaiN kia zaroorat ke maikhane jaa-aiN
hameN raastaa is ka dikhlaa rahay haiN

5. miray lafzoaN ko zindigi ub milay gi
sunaa hai woh mairi ghazal gaa rahay haiN

6. no weHshat zadaa thay dar o baam aise
ham is ghar meiN pehlay bhi tanhaa rahay haiN

7. abhi toR do eHd o paimaan saaray
agar dil meiN kuch waswasay aa rahay haiN

8. kissi ko miN :khawar: ye kaise bataa dooN
mohabbat meiN kia kia maqaam aa rahay haiN

Post by **Shummu** » Mon May 07, 2007 5:48 pm

bahut khoob khawar sahab..waqaii maine bhi dekha ke is zameen mein likhna utna asaan nahi hai jitna ye dikh raha hai aasaan...magar aap sab ki ghazlein dkeh ke dil khush ho gaya..sab ne accha likha hai..aapki bhi ghazal pasand aayi khaaskar girah khoob hai..dili daad pesh hai...!!:)

shumaila

Post by **Sohail Malik** » Mon May 07, 2007 7:04 pm

muhammad_19k wrote:GHAZAL IN ROMAN

1. sune kon kia kia woh farma rahay haiN.
ham un ko hi bas daikhte jaa rahay haiN.

2. bulaate haiN woh ham ko aa jao milne
jafaaoaN pe ham apni sharmaa rahay haiN

3. haiN yooN motibar un ki chokhat ke pathar,
jabeeN jhukne waloaN ki chamkaa rahaiN haiN.

4. unhaiN kia zaroorat ke maikhane jaa-aiN
hameN raastaa is ka dikhlaa rahay haiN

5. miray lafzoaN ko zindigi ub milay gi
sunaa hai woh mairi ghazal gaa rahay haiN

6. no weHshat zadaa thay dar o baam aise
ham is ghar meiN pehlay bhi tanhaa rahay haiN

7. abhi toR do eHd o paimaan saaray
agar dil meiN kuch waswasay aa rahay haiN

8. kissi ko miN :khawar: ye kaise bataa dooN
mohabbat meiN kia kia maqaam aa rahay haiN

Khawer Saaheb

Aap ki khubsurat ghazal kay liay daad hazir hay

wassalam

sohail malik

Mon May 07, 2007 9:34 pm

mukarram-o-moHtaram Biraadaram M. Khawar SaHib aadaab!

Aap kee Ghazal bilah shubah kisee ta'areef ke muHtaaj naheeN. sabh~ee she'er aap ke makhSooS rang meN rangeen haiN. she'er#3 aor#7 ka koee maol naheeN. deegar asha'aar bh~ee apnee micaal aap haiN.

aap kee dilchaspee aor lagan dekh~ kar jee baRa khush hota hai. aor khaaS t^aor par aap kee mustaqil mizaajee keh aap baaqaae'dagee se maHafil meN tashreef late haiN. Haqeeqat to yeh hai keh aap ke tabSerh ka intez^aar baRee shiddat se rehta hai.

baqaol aap ke keh khaaksaar ke aage alfaaz^ haath~ baandh~ kar kh~aRe ho jate haiN. mujh~e to yeh lagta hai keh woh jab aap ke rubaru pesh hote haiN to gaoya kaan hee pakaR lete hooN haiN.

woh bh~ee kehte hooN ge keh Khawar SaHib hameeN aese Ghazal meN jooRte haiN jaese nageene lagae jate haiN. keh unheeN age peech~e karne kee koee gunjaaeish hee naheeN dikh~aee detee.

yeh Haqeeqat hai keh aap waqae'ee baRee talaash se alfaaz^ ka intekhaab karte haiN. khuda aap ke Zaor-e-bayaaN ko mazeed baRh~ade!

1. sune kon kia kia woh farma rahay haiN.
ham un ko hi bas daikhte jaa rahay haiN.

kiya kehne waah waah!

2. bulaate haiN woh ham ko aa jao milne
jafaaoaN pe ham apni sharmaa rahay haiN

waah!

3. haiN yooN motibar un ki chokhat ke pathar,
jabeeN jhukne waloaN ki chamkaa rahaiN haiN.

Bohot khoob! Waah Waah! lajawaab she'er hai! kamaal kardiya hai aap ne! Waah!

4. unhaiN kia zaroorat ke maikhane jaa-aiN
hameN raastaa is ka dikhlaa rahay haiN

wah!

5. miray lafzoaN ko zindigi ub milay gi
sunaa hai woh mairi ghazal gaa rahay haiN

achch~a hai!

6. no weHshat zadaa thay dar o baam aise
ham is ghar meiN pehlay bhi tanhaa rahay haiN

kiya kehne waah waah!

7. abhi toR do eHd o paimaan saaray
agar dil meiN kuch waswasay aa rahay haiN

Bohot khoob! Waah Waah! kiya kehne!

8. kissi ko miN :khawar: ye kaise bataa dooN
mohabbat meiN kia kia maqaam aa rahay haiN

kiya kehne! WaahWaah! lekin aSl miSra'-e-t^arH dekh~ liya jae.

"muHabbat meN yeh kiya maqaam aa rahe haiN"

Meree t^araf se is khubSurat Ghazal kee numaaei'sh par dilee dad aor mubarak baad qubool keejiye.

Wassalam
Muz^affar
_________________

Post by **muhammad_19k** » Wed May 09, 2007 11:10 am

JANAB MUZAFFAR SAHEB,

bhalaa alfaaz meiN koi aap se jeet saktaa hai

. meiN aik baar pehlay bhi iss baat ka izhaar kar chukaa hooN ke ye mirii khus qismati hooN ke meiN aise sukhan waroaN ke darmyaan mojood hooN jo agar zarray ki ta'reef karaiN to sun kar aasman ke sitaaray us zarray se Hasad karnaa shroo ho jaa-aiN. app bhi unheeN meiN se aik haiN.

laikin iss Haqeeqat se kia inkaar ke ta'reef sun kar khushi hoti hai. chahay kissi ne woh ta'reef masleHetan hi ki ho. So is baat par khush hooN ke chalo miray sh'er kam uz kam aise buray naheeN ke aap tamam maSleHateiN baa-laye Taaq rakhne par majboor ho ja-aiN

.

Allah taalaa aap ko khush rakhay.

aap ka dost aor shukrguzaar,
MUHAMAMD K. SIDDIQUI.

Post by **haamidbaaqri** » Wed May 09, 2007 3:57 pm

muhammad_19k wrote:Salam dosto,

Iss baar taraH miSraa daikhne meiN jaisaa aasaan lag rahaa thaa, likhte waqt aisaa aasaan Caabit na huwa. mushkil se hi is qadar ahsaar likh paayaa hooN ke ghazal ka naam diyaa ja sake. aor un meiN bhi koi khaaS sher na keh sakaa. laikin kiyaa ke ta'meel e Hukm to karnaa thi so jo kuch hai. Haazir e khidmat hai.

aap ki rehnamai ka taalib.
SIDDIQUI.

WA ALAIKUMUSSALAAM
mohtaram mohammed khawar saahib

aapki ghazal hameN bahut acchee lagi.

sabhi ash'aar acchay haiN.

hamaari dilee daad aur mubaarakbaad qubool farmaayeN aapki is khoobsoorat kaavish per.

mukhlis
haamidbaaqari

Post by **muhammad_19k** » Fri May 11, 2007 6:57 am

Janab HAAMID BAAQRI SaHeb,

haamidbaaqri wrote: WA ALAIKUMUSSALAAM
mohtaram mohammed khawar saahib

aapki ghazal hameN bahut acchee lagi.

sabhi ash'aar acchay haiN.

hamaari dilee daad aur mubaarakbaad qubool farmaayeN aapki is khoobsoorat kaavish per.

mukhlis
haamidbaaqari

iss HoSla afazaai ke leeaye aap ka mamnoon hooN,

Regards,
Muhammad K. Siddiqui.

Post by **jawaid badauni** » Sun May 13, 2007 5:50 pm

Azeezi Khawar SaaHab
aadaab

Aapki tarahee Ghazal nazar nawaaz huuwee. Achche koshish hai. Daad qubool farmaaiye.

MaiN aap ke teesrey sher ko N'aat ki taraf le gaya tha aur yaqeenan bohat mahzooz huwwa. KhuSooSee daa hazir hai iss sher per.

MuKhliS
Jawaid Badauni

Post by **muhammad_19k** » Mon May 14, 2007 1:28 pm

Mohtaram Janab Jawaid SaHeb.

aap ne likhaa.

jawaid badauni wrote:Azeezi Khawar SaaHab
aadaab

Aapki tarahee Ghazal nazar nawaaz huuwee. Achche koshish hai. Daad qubool farmaaiye.

MaiN aap ke teesrey sher ko N'aat ki taraf le gaya tha aur yaqeenan bohat mahzooz huwwa. KhuSooSee daa hazir hai iss sher per.

MuKhliS
Jawaid Badauni

HoSla afazai ke leeaye aap ka bhi shukriayaa. laikin mieN to aap se kuch rehnumai bhi tawaqu kar rahaa thaa. is taraH to mujhe pataa hi naheeN chalay gaa ke kahaan kahaaN behtari ke imkaanaat haiN.

Regards,
MUHAMMAD K. SIDDIQUI.

Aanchal · Post by **Aanchal** » Tue May 15, 2007 8:40 pm

buhat acha likha hai aap nay ..keep it up

Post by **muhammad_19k** » Sat May 26, 2007 2:06 pm

Salam Saara Ji,

dair se jawab ke leeaye m'aazirat. bhala aise kaise ho saktaa hai kissi ghazal ke sub hi sher khoob hoaN? :P

laikin chaliaye aap ka bohat bohat shukriyaa

mamnooon,
MUHAMMAD K. SIDDIQUI.

Post by **muhammad_19k** » Sat May 26, 2007 2:09 pm

Aanchal wrote:buhat acha likha hai aap nay ..keep it up

Salam Aanchal,

kaisi haiN aap?

dair se jawaab daine ke leeaye m'aazirat aor daad ke leeaye bohat bohat shukriyaa.

mamnoon,
MUHAMMAD K. SIDDIQUI.

Guzarish # 28- Siddiqui.

Guzarish # 28- Siddiqui.

Re: Guzarish 28------------------ Siddiqui.

Re: Guzarish 28------------------ Siddiqui.