aaj baazaar meN paabajaolaaN chalo---------FaiZ

Post by **yasir shah** » Tue May 08, 2007 8:01 pm

chashm-e-nam , jaan-e-shaureedah kaafee naheeN
tohmat-e-i'shq pausheedah kaafee naheeN
aaj baazaar meN paa.bajolaaN chalo

dast afshaaN chalo , mast-o-raqSaaN chalo
khaak bar sar chalo, khooN badaamaaN chalo
raah taktaa hay sab shar-e-jaanaaN chalo

Haakim-e-shahr bhi , majma'-e-'aam bhee
teer-e-ilzaam bhi , saNg-e-dushnaam bhee
SubH-e-naashaad bhi , roz-e-naakaam bhee

un kaa dam.saaz apnay siwaa kon hay
shahr-e-jaanaaN meN ab baaSafaa kon hay
dast-e-qaatil ke shaayaaN rahaa kon hay

rakht-e-dil baaNdh lo dil figaaro chalo
Phir hameeN qatl ho aa.eN yaaro chalo

____________________________________________LAHORE JAIL ,,11 February 1959

Post by **Naveed_Ahmad_Naveed** » Wed May 09, 2007 7:30 am

bohat khoob shah saaHib.

Faiz hamesha se mere pasandeeda shayer heiN aur un ki yeh nazm to kamal hai.aap ka shukrya aap ne behtareen intkhab post kia.

Post by **yasir shah** » Sat May 12, 2007 2:16 am

Naveed_Ahmad_Naveed wrote:bohat khoob shah saaHib.

Faiz hamesha se mere pasandeeda shayer heiN aur un ki yeh nazm to kamal hai.aap ka shukrya aap ne behtareen intkhab post kia.

janaab Naveed saaHib !

nazm ki pasandeedagee kaa bahut shukriyah-

t'aalib-e-du'aa
yasir

Post by **yasir shah** » Sat May 12, 2007 2:20 am

sara_j wrote:shukriya yasir sahib.

aap kaa bhee shukriyah -
yasir