"hum haqparst haiN"taaza tarhi kalaam peshe khidma

[haamidbaaqri]

Assalaam o alaikum
dosto

hamaari aik adna kavish pesh e khidmat hai

gar qubool uftad zahay....

arz kiya hai......

hum haqparast haiN hameN kab shauq iqtidaar ka
hum haiN ghulaam pyaar kay hum say hai rishta pyaar ka

hai waasta hamaara mohammed*ki paak aal* say
hargiz rahayga dil meiN hamaare nah khauf daar ka

mehfooz humnay karliya daaman meiN apnay dosto
"par bhi qafas say jau gira bulbulay bayqaraar ka"

daure khizaaN guzaar nah paaye yahaaN* jo sabr say
dekhenge kaisay woh bhala mousam wahaaN* bahaar ka

pachtaa rahay haiN qabr meiN haamid woh laug bilyaqeeN
jinko nahiN tha paas kabhie nafs kay waqaar ka

*sawaw
*ahlebait(as)(prophet mohammed(sawaw)'s family)
*yahaaN(duniya)
*wahaaN(aakhirat...the next world

nateejaye fikr
haamidbaaqari
al hamdulillah