Kuhnah mashq ShoAraa kaa kalaam jo beHr meiN hounaa zaroori hei
Moderator: Muzaffar Ahmad Muzaffar
Star Mind
-
Posts: 365 Joined: Sat Dec 11, 2004 11:39 pm
Location: Balochistan
Contact:
Post
by Star Mind » Wed Jul 25, 2007 8:34 pm
Yaaraan-e-anjuman, aadaab !
aaj aap ki Khidmat meiN apnii aek taaza-tareen Ghazal paish karne jaa rahaa hooN
ummeed hai k apnii giraaN-qadr tanqeedii raaye se navaazeN ge !
:: Urdu Version ::
:: Roman Version ::
1.
kabhii jab un se nazar ham-kalaam hotii hai
ye kaai'naat saraapaa payaam hotii hai !
2.
kalii kalii ki zabaaN par fasaana kis kaa hai ?
naseem, naGhmah-saraa kis ke naam hotii hai ?
3.
jigar ke Khoon se qaai'm hai aabroo-e-chaman !
bahaar isii se mai-e-laala-faam hotii hai !
4.
tumhaare shehr ka mausam a'jeeb mausam hai !
yahaaN to SubH nikalte hi shaam hotii hai !
5.
na poochh mai-kadah-e-i'shq kaa maqaam aye shaiKh !
yaheeN naSeeb Hayaat-e-davaam hotii hai !
6.
na poochh raah-e-maHabbat ka Khaar-zaar na poochh !
tamaam u'mr isii meiN tamaam hotii hai !
7.
tumhaari bazm meiN kehlaaye jo sharaab-e-tahoor
hamaari bazm meiN kyooN-kar Haraam hotii hai ?
8.
aseer-e-gardish-e-dauraaN naheeN junooN vaale !
na SubH hoti hai in kii na shaam hotii hai !
9.
koii bataaye yeh ulfat meiN kyaa maqaam aayaa ?
yahaaN to shaam-o-saHar gaam gaam hotii hai !
10.
jahaan-e-raaz se har pardah uThta jaataa hai !
Zia se jab voh nazar ham-kalaam hotii hai !!
.....................................................
shukriya
Zia Baloch
Last edited by
Star Mind on Thu Jul 26, 2007 10:28 pm, edited 1 time in total.
Dikhaadi shaan, phir ahl-e-chaman ko, Be-niyaazi ki
Khamoshi se jhatak kar, aaj phir, dast-e-sabaa maiN ne
Zia Baloch
rukhsar
-
Posts: 40 Joined: Wed Jul 25, 2007 1:15 am
Location: Bahrain
Contact:
Post
by rukhsar » Thu Jul 26, 2007 1:27 am
zia baluch sahib
aadab
abhi aapki ghazal ka muta,ala kia wah sahib bhut khoob waaaaaaaaaaaaaaaah kia khoob sher nikalay hain , sabhi sher qabil-e ta,areef hain mujhay khaaskar yeh sher bhut pasand aaya
tumhaare shehr ka mausam a'jeeb mausam hai !
yahaaN to SubH nikalte hi shaam hotii hai !
waaaaaaaaaaaaaah waaaaaaaaaaaaaaaaaaaaaaaaah
daad qubool kejey
rukhsar
muhammad_19k
-
Posts: 540 Joined: Wed Nov 22, 2006 8:36 am
Location: Lahore
Contact:
Post
by muhammad_19k » Thu Jul 26, 2007 6:59 am
Salam Zia SaHeb.
Hasb e m'amoool aap ki ye ghazal bhi bohat achhchhi hai. daad qubool kijiaye. sirf sher no. 2 kuch khaas achhchhaa naheeN lagaa. laikin aisaa to hotaa hai. ye zarooori naheeN ke har qaari ko har sher hi achhchhaa lagay.
sadaa khush rahiaye,
mukhliS,
Muhammad K. Siddiqui.