Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Sat Mar 12, 2005 2:41 pm

"mere"

Mere dil kaa thaa Ajab haal tiri furqat meiN

aise lagtaa thaa ke hei saans bhii lenaa mushkil

Nazir.

Post by **Ibn-e-siddique** » Sun Mar 13, 2005 6:57 am

aisaa aasaaN nahiN luhuu rona
dil meiN taaqat jigar meiN Haal kahaaN

dil / kahaaN

Abdullah Nazir · Post by **Abdullah Nazir** » Mon Mar 14, 2005 1:01 pm

Dil kii Haalat khdaa hii jaane hei

Poochte kiyooN hou mujh se Haal apnaa

Nazir.

Post by **Ibn-e-siddique** » Tue Mar 22, 2005 4:41 am

poochte haiN wo ke ghalib kaun hai
koi batlaaye ke ham batlaaiN kia

koi / kia

Abdullah Nazir · Post by **Abdullah Nazir** » Tue Mar 22, 2005 6:05 am

koii aisaa bhi hei jo Haalat-e-dil jaan sake?

Tum se ummeed thii, tum ne bhii daghaa kii muh se

(tum/se)

Nazir

Post by **Hashmat Usmani** » Tue Mar 22, 2005 7:08 am

TUM se bewjaa hai mujhe apnii tabaahii ka gilaa
IS meN kuchh shaaiba e Khoobii e taqdeer bhii THAA

is/thaa

Post by **Hashmat Usmani** » Thu Mar 24, 2005 7:00 am

yeh masaa'il-e-tasavvuf, yeh tira bayaan "Ghaalib"
tujhe ham walii samajhte, jo na baada_Khaar hotaa

tujhe/hotaa

Post by **Hashmat Usmani** » Thu Mar 24, 2005 2:41 pm

terii fursat ke muqaabil, ai 'umr
barq ko paa ba Hina baandhtee haiN

barq/haiN

Abdullah Nazir · Post by **Abdullah Nazir** » Fri Mar 25, 2005 3:23 am

MaiN uski phool sii aankahaoN ko choom letaa hooN

wo neend meiN bhii miraa naam leti rehti hei

(wo/hei)

Nazir.

Post by **Hashmat Usmani** » Fri Mar 25, 2005 3:24 am

hai bas_ki har ik unke ishaareN meN nishaaN aur
karte haiN moHabbat to guzartaa hai gumaaN aur

karte/aur

Post by **Hashmat Usmani** » Fri Mar 25, 2005 3:37 am

raat ko mai piye, saath raqeeb ko liye
aaye vo yaaN, Khuda kare!; par na kare ki yuuN!

aaye/yuuN

Abdullah Nazir · Post by **Abdullah Nazir** » Sat Mar 26, 2005 5:23 am

Mour kii chaal bhii achchi nahiN lagti jaanaaN

naaz se aati hou jab tum miri jaanib chalkar

(naaz / chalkar)

Nazir.

Post by **Hashmat Usmani** » Sat Mar 26, 2005 2:46 pm

maiN shaa'ir huuN, mujhe fitrat ke nazzaaroN se ulfat hai
miraa dil dushman-e-nagHma_saraayi ho nahiiN saktaa

miraa/saktaa

Post by **Hashmat Usmani** » Sat Mar 26, 2005 4:13 pm

laakhoN haiN yahaaN dil_waale, aur pyaar nahiiN miltaa
aaNkhoN meN kisii kii vafaa kaa iqraar nahiiN miltaa

aaNkhoN/miltaa

Abdullah Nazir · Post by **Abdullah Nazir** » Sat Mar 26, 2005 7:51 pm

AankhaoN meiN surkh doure aur lab pah muskuraahat

kehte hou kuch likhooN maiN, likhkhooN tou kyaa likhooN maiN

kehte / maiN

Nazir.