HaaZreen e mehfil
aadaab.
aik aur kaavish is ummeed kay saath keh aap apni aaraa say mehroom har giz nahi kareNgey. shukriyah.
roaz yeh khaab dekhtaa hoN maiN
apney saaye say bhi baRa hoN maiN
bin tere bhi toh naGhma khuwaN hai hayaat
bin tere bhi toh jee rahaa hoN maiN
wo toh bas yuNhi yaad kartaa hoN
warnah tumko bhula chuka hoN maiN
koan samjhey merey taGhayyur ko
waQt hoN aur aainah hoN maiN
Khud pe abtak nahiN khulaa hoN phir
tujh say kaisay kahoN kay kya hoN maiN
kheltaa hoN kayee hawaadis say
ranj kay saaye maiN palaa hoN maiN
tiiragi say toh Khair nafrat hai
roashni say bhi laR raha hoN maiN
ab mujhey kyuN sada~eN detay ho?
kya bohat door jaa chukaa hoN maiN?
mujhko dukh hai kay aaj kal Khud ko
teri naZroN say dekhtaa hoN maiN
woh jo pehloo maiN roaz rehta hai
uus say ab tak nahi milaa hoN maiN
SAMEER
apney saaye say bhi baRa hoN maiN
Moderator: Muzaffar Ahmad Muzaffar
-
m.naeem.sameer
- -
- Posts: 52
- Joined: Tue Sep 18, 2007 5:35 pm
- Location: Keamari Karachi
- Contact:
-
m.naeem.sameer
- -
- Posts: 52
- Joined: Tue Sep 18, 2007 5:35 pm
- Location: Keamari Karachi
- Contact:
Re: apney saaye say bhi baRa hoN maiN
sara_j wrote:m.naeem.sameer wrote:
wo toh bas yuNhi yaad kartaa hoN
warnah tumko bhula chuka hoN maiN
kheltaa hoN kayee hawaadis say
ranj kay saaye maiN palaa hoN maiN
tiiragi say toh Khair nafrat hai
roashni say bhi laR raha hoN maiN
mujhko dukh hai kay aaj kal Khud ko
teri naZroN say dekhtaa hoN maiN
sara
aadaab sara-j
ashAar kii pasandiidagi key liye bayHad mamnoon hoN. aaindah bhi apni aara say mehroom nahi kijiye gaa.
SAMEER
-
Muzaffar Ahmad Muzaffar
- -
- Posts: 1258
- Joined: Sun Feb 12, 2006 1:40 pm
- Location: London, England
- Contact:
moHtaram Sameer SaaHib tasleemaat!
Aap kee Ghazal kaa wazan bhee durust hai. aor apnee puree ra'naee ke saath jalwah afrooZ hai. aap ke andaaZ meN jaon ealiya kaa ranG numayaaN hai. woh bhee isee beher ya'nee beHer-e-khafeef meN zeyadah likhte rahe haiN. meree janib se is khubSurat Ghazal par dilee daad qubool keejiye.
khush raheeN
Wassalam
Muzaffar A Muzaffar
Aap kee Ghazal kaa wazan bhee durust hai. aor apnee puree ra'naee ke saath jalwah afrooZ hai. aap ke andaaZ meN jaon ealiya kaa ranG numayaaN hai. woh bhee isee beher ya'nee beHer-e-khafeef meN zeyadah likhte rahe haiN. meree janib se is khubSurat Ghazal par dilee daad qubool keejiye.
khush raheeN
Wassalam
Muzaffar A Muzaffar
-
m.naeem.sameer
- -
- Posts: 52
- Joined: Tue Sep 18, 2007 5:35 pm
- Location: Keamari Karachi
- Contact:
Muzaffar Ahmad Muzaffar wrote:moHtaram Sameer SaaHib tasleemaat!
Aap kee Ghazal kaa wazan bhee durust hai. aor apnee puree ra'naee ke saath jalwah afrooZ hai. aap ke andaaZ meN jaon ealiya kaa ranG numayaaN hai. woh bhee isee beher ya'nee beHer-e-khafeef meN zeyadah likhte rahe haiN. meree janib se is khubSurat Ghazal par dilee daad qubool keejiye.
khush raheeN
Wassalam
Muzaffar A Muzaffar
aadaab Muzaffar Ahmed Muzaffar SaaHib.
aap humesha is Tifl e maktab ka HoSlaa baRhaatey haiN.
niyaaz mand
SAMEER