dosto
aap sab kay khidmat meiN aaj hum ek islaami tarana pesh kar rahay haiN
gar qubool uftad zahay...
arz kiya hai....
'aqlauN kay bot mitaaye jaa, eemaan kau bachaaye jaa
tauheed ka tu phool hai, is phool kau khilaaye jaa
allaa'h tere paas hai, too phir bhi kyuN udaas hai
bandoN ka hai woh paasbaaN, us per yaqeen laaye jaa
islaam khush mizaaj hai, insaaniyat ki laaj hai
islaam hai salaamati, duniya kau yeh bataaye jaa
muslim hai tu salaam kar, insaaniyat kau 'aam kar
insaaniyat hi deen hai, yeh geet gungunaaye jaa
raftaar hau mohammedi*, guftaar ho mohammedi*
kirdaar ho mohammedi*, yuN zindagi bitaaye jaa
naamay 'ali* buland hai, islam kau pasand hai
haider* ka naam leke tu, aage qadam badhaaye jaa
har samt haiN buraaiyaaN, zulmo sitam ki aandhiyaaN
aisay meiN amno pyaar kay, haamid diye jalaaye jaa
nateejaye fikr
haamid baaqari
al hamdulillah