"raunay waalay tujhay kis baat peh rauna aaya"tarh

[haamidbaaqri]

Assalaam o alaikum
dosto

maahay rawaaN kay micray per hamaara kalaam haazir hai

gar qubool uftad zahay.....

arz kiya hai....

kya kaheN humkau kin haalaat peh rauna aaya
had tau yeh hai keh har ik baat peh rauna aaya

rauna aaya hameN daana ki himaaqat peh kabhie
kabhie naadaaN kay khayaalaat peh rauna aaya

kabhie rautay rahay lamhoN kay guzar jaanay per
kabhie majbooriye haalaat peh rauna aaya

bay'amal 'aalimay deeN dekh kay rautay haiN kabhie
kabhie jaahil kay 'ebaadaat peh rauna aaya

ik mufakkir say nah kar dost kabhie aisa sawaal
"raunay waalay tujhay kis baat peh rauna aaya"

fikray 'uqbaa hameN din raat rulaaye haamid
boliye aapko kis baat peh rauna aaya

nateejaye fikr
haamidbaaqari
al hamdulillah

'uqbaa: hereafter (aakhirat ki zindagi)

[Muzaffar Ahmad Muzaffar]

moHtaram Haamid bhaee tasleemaat!

mushae'rah meN aap ko jalwah afrooZ paa kar dilee khushee huee. aap kee tashreef aawaree ham sab ke liye fakhr-o-musarrat kaa baae'ic hai. Allah aap ko khush rakhe. Aameen!

Aap ke asha'aar aap ke rawayatee andaaz meN haiN lekin is baar a'aam rawish se qadr-e-haT gae haiN. aor bilashubah dilkash haiN. meree jaanib se daad-o-taoSeef qubool keejiye.

khush raheeN
Wassalam
Muzaffar A Muzaffar

[haamidbaaqri]

Assalaam o alaikum
dosto

maahay rawaaN kay micray per hamaara kalaam haazir hai

gar qubool uftad zahay.....

arz kiya hai....

kya kaheN humkau kin haalaat peh rauna aaya
had tau yeh hai keh har ik baat peh rauna aaya

rauna aaya hameN daana ki himaaqat peh kabhie
kabhie naadaaN kay khayaalaat peh rauna aaya

kabhie rautay rahay lamhoN kay guzar jaanay per
kabhie majbooriye haalaat peh rauna aaya

bay'amal 'aalimay deeN dekh kay rautay haiN kabhie
kabhie jaahil kay 'ebaadaat peh rauna aaya

ik mufakkir say nah kar dost kabhie aisa sawaal
"raunay waalay tujhay kis baat peh rauna aaya"

fikray 'uqbaa hameN din raat rulaaye haamid
boliye aapko kis baat peh rauna aaya

nateejaye fikr
haamidbaaqari
al hamdulillah

'uqbaa: hereafter (aakhirat ki zindagi)

wah wah! Hamid bhai,

bohat hi khoob!

sab hi ashaar pasand aaye ,daad qubool keejiye.

sara

bahut bahut shukriya azeezah sara saahebah

jazakallah

aapka bhai
haamid

[haamidbaaqri]

moHtaram Haamid bhaee tasleemaat!

Assalaam o alaikum
muzaffar bhai saahib

mushae'rah meN aap ko jalwah afrooZ paa kar dilee khushee huee. aap kee tashreef aawaree ham sab ke liye fakhr-o-musarrat kaa baae'ic hai. Allah aap ko khush rakhe. Aameen!

jazakallah khair

Aap ke asha'aar aap ke rawayatee andaaz meN haiN lekin is baar a'aam rawish se qadr-e-haT gae haiN.aor bilashubah dilkash haiN. meree jaanib se daad-o-taoSeef qubool keejiye.

bahut bahut shukriya aapka.

aap salamat raheN yeh hamaari dilee dua hai.

khush raheeN
Wassalam
Muzaffar A Muzaffar

aapka apna
haamidbaaqari