HaathoN Kii LakeeroN Main......

[munir-armaan-nasimi]

Pyare Dosto aur Azeez Saathiyo,

Salaam-o-Rehmat !! Ek Ghazal pesh-e-khidmat hai, apni aara se nawazein... aur apne DuaoN main mujhe bhi..... YAAD rakhkhein.

Shukriya !

aap ka apna,

munir armaan nasimi


GHAZAL

haathoN kee lakeeroN meN muqaddar naheeN hotaa
har jeetne waalaa bhee Sikandar naheeN hotaa!

jhuktee hai jabeeN apnee faqat^ ek hee dar par
dar dar jo bhaTke woh qalandar naheeN hotaa

daryaa kee rawaanee use de detee hai wus,a't
taalaab kee qismat meN samundar naheeN hotaa

gehraayee naheeN jis meN bhalaa shaa,i'ree kyaa hai?
har qaafiyah-paimaa to suKhanwar naheeN hotaa

miltee hai jise chhooT sitam Dhaane kee "Arman"
qaanoon kee naz^roN meN sitamgar naheeN hotaa

<<<With thanks to Sarwar Saaheb>>>

[Sarwar A. Raz]

Munir saaheb: aadaab!

aap kee Ghazal mujh ko to nazar naheeN aayee. kahaaN hai?

Sarwar A. Raz :Sarwar:

[Muzaffar Ahmad Muzaffar]

Muneer Saahib aadaab!

Sarwar SaaHib bajaa farma rahe haiN keh Ghazal naz^ar naheeN aarahee.

Wassalam
Muzaffar

[munir-armaan-nasimi]

Mohtaram Saathiyo,

Intehaayi Mazarat Chaahta hoon keh pahli baar Ghazal theek tarah se "Attach" nahin hoyi thi. Liziye abki baar Urdu aur Roman dono main post kar raha hoon.

aapka apna,

armaan

[sbashwar]

Aziz Janaab Munir Saheb


haathoN kee lakeeroN meN muqaddar naheeN hotaa
har jeetne waalaa bhee Sikandar naheeN hotaa!

Apne aqeede ki baat hai. Wah

jhuktee hai jabeeN apnee faqat^ ek hee dar par
dar dar jo bhaTke woh qalandar naheeN hotaa

Kya kehne, bohat khoob

daryaa kee rawaanee use de detee hai wus,a't
taalaab kee qismat meN samundar naheeN hotaa

Accha sheir hai. Wah.

gehraayee naheeN jis meN bhalaa shaa,i'ree kyaa hai?
har qaafiyah-paimaa to suKhanwar naheeN hotaa

Bohat khoob.

miltee hai jise chhooT sitam Dhaane kee "Arman"
qaanoon kee naz^roN meN sitamgar naheeN hotaa

yeh sheir bhi bohat pasand ayaa.

har sheir qabil-e-daad hai. meri daad aur mubarakbaad qubool kijiye.
Wasslaam
Salem Bashwar

[munir-armaan-nasimi]

Aziz Janaab Munir Saheb


haathoN kee lakeeroN meN muqaddar naheeN hotaa
har jeetne waalaa bhee Sikandar naheeN hotaa!

Apne aqeede ki baat hai. Wah

jhuktee hai jabeeN apnee faqat^ ek hee dar par
dar dar jo bhaTke woh qalandar naheeN hotaa

Kya kehne, bohat khoob

daryaa kee rawaanee use de detee hai wus,a't
taalaab kee qismat meN samundar naheeN hotaa

Accha sheir hai. Wah.

gehraayee naheeN jis meN bhalaa shaa,i'ree kyaa hai?
har qaafiyah-paimaa to suKhanwar naheeN hotaa

Bohat khoob.

miltee hai jise chhooT sitam Dhaane kee "Arman"
qaanoon kee naz^roN meN sitamgar naheeN hotaa

yeh sheir bhi bohat pasand ayaa.

har sheir qabil-e-daad hai. meri daad aur mubarakbaad qubool kijiye.
Wasslaam
Salem Bashwar

Mohtaram bhai Salem Saaheb,

Armaan-nawazi ka tah-e-dil se shukr guzaar hoon. aapko meri ghazal pasand aayi... ess se badi baat aur kya ho sakti hai.
Insha'Allah main koshish karoonga keh aaindah bhi aur achcha kehne ki koshish karoon.......!!

Khuda Haafiz,

Armaan