teree i'naayeteN Moulaa teraa karam ho jaae

[Khurshidul Hasan Naiyer]

aHbaab-e-anjuman

adaab

muHtaram Jawaid Badauni Sb kee naz^m "ek baNde kee faryaad apne khaliq se" dekh kar jee chaaha keh Haal hee meiN kahe gaye kuchh asha'aar aap sab kee naz^ar karooN. yeh asha'aar Makka Mukarramah ke safar ke doaraan hue the......


teree i'naayateN Moulaa teraa karam ho jaae
tere HuZoor mujh a'aaSee kee aaNkh nam ho jaae

khat^aaeN laakh sahee laGhzisheN hazaar sahee
teree a't^aa ho to dil kee siyaahee kam ho jaae

raz^aa kee teree karooN justujoo maiN shaam-o-sahar
falaaH-e-ummat-e-baiz^aae, hee meraa Gham ho jaae

t^ulooe' shams jo maGhrib se ho to us dam bhee
meree jabeeN tere hee aastaaN peh kham ho jaae

dukhe nah dil kisee khalq-e-Khudaa ka ham se kabhee
yahee khayaal yahee fikr bas aham ho jaae

maiN kaamraan hooN yom-e-jazaae, agar yaa Rab
shafaaa't-e-Nabee(SAW) teraa a'foo baham ho jaae

liye jo phirtaa hai :Naiyer: jahaaN meiN mere Khudaa
bulaNd amn-o-amaaN kaa yahee a'lam ho jaae

Allah Hafiz

Khurshidul Hasan Naiyer

[sbashwar]

Mohtaram Naiyer Saheb



t^ulooe' shams jo maGhrib se ho to us dam bhee
meree jabeeN tere hee aastaaN peh kham ho jaae

maiN kaamraan hooN yom-e-jazaae, agar yaa Rab
shafaaa't-e-Nabee(SAW) teraa a'foo baham ho jaae

Bohat khoob.
Allah hum sab pe reham farmaye. ameen.

Mukhlis
Salem Bashwar

[jawaid badauni]

aHbaab-e-anjuman

adaab

muHtaram Jawaid Badauni Sb kee naz^m "ek baNde kee faryaad apne khaliq se" dekh kar jee chaaha keh Haal hee meiN kahe gaye kuchh asha'aar aap sab kee naz^ar karooN. yeh asha'aar Makka Mukarramah ke safar ke doaraan hue the......


teree i'naayateN Moulaa teraa karam ho jaae
tere HuZoor mujh a'aaSee kee aaNkh nam ho jaae

khat^aaeN laakh sahee laGhzisheN hazaar sahee
teree a't^aa ho to dil kee siyaahee kam ho jaae

raz^aa kee teree karooN justujoo maiN shaam-o-sahar
falaaH-e-ummat-e-baiz^aae, hee meraa Gham ho jaae

t^ulooe' shams jo maGhrib se ho to us dam bhee
meree jabeeN tere hee aastaaN peh kham ho jaae

dukhe nah dil kisee khalq-e-Khudaa ka ham se kabhee
yahee khayaal yahee fikr bas aham ho jaae

maiN kaamraan hooN yom-e-jazaae, agar yaa Rab
shafaaa't-e-Nabee(SAW) teraa a'foo baham ho jaae

liye jo phirtaa hai :Naiyer: jahaaN meiN mere Khudaa
bulaNd amn-o-amaaN kaa yahee a'lam ho jaae

Allah Hafiz

Khurshidul Hasan Naiyer

a'zeezee wa moHibbee Naiyer Saahab
tasleemaat

aap ke paak.o.pakeezah khayalaat per aap ko mubarakbaad deta hooN aur is nihayat muqaddas nazm per apni daad.o.taHseen aap ki Khidmat meN pesh karta hooN.

"Allah kare zor.e qalam aur ziyadah"


MuKhliS
Jawaid Badauni