guzarish # 47 hamaara kalaam aapkay hawaalay

[haamidbaaqri]

Asslaam o alaikum
dosto

maahay rawaaN kay micray per hum apni kaavish aapkay hawalay kar rahay haiN

gar qubool uftad zahay........

arz kiya hai

yaaday khuda nay pairaway qur'aaN banaa diya
'ishqay nabi(sawaw)nay dil kau gulistaaN banaa diyaa

banday kitabay haq kau samajh paayeN isliye
qur'aan kau khuda nay hai aasaaN bana diya

naykee hai husn is say khudee kau sajaaiye
is husn nay hai laakhoN kau insaaN banaa diya

khallaaqay kaayenaat ki hikmat tau daykiye
dastay ajal kau dard ka darmaaN banaa diya

fazlay khuda say panjatanay paak(as) kay tufayl
"jau gham hua usay ghamay jaanaaN banaa diya"

taqway kay saath daulatay eemaaN nawaaz kar
haamid kau zuljalaal nay sultaaN banaa diya

*panjatanay paak: five pure souls viz:
1 prophet mohammed(sawaw)
2.hazrat ali(as)
3.syeda fatima zahra(sa)
4.imam hassan(as)
5.imam hussain(as)

[sbashwar]

Mohtaram Haamid Baaqri Saheb


yaaday khuda nay pairaway qur'aaN banaa diya
'ishqay nabi(sawaw)nay dil kau gulistaaN banaa diyaa

Bohat hi umda kalaam se aapne nawaza hamein. Meri daad aur mubarakbaad qubool farmayeN.

Mukhlis
Salem Bashwar

[haamidbaaqri]

Mohtaram Haamid Baaqri Saheb


wa alaikumusslaam
mohtaram salem bashwar saahib

yaaday khuda nay pairaway qur'aaN banaa diya
'ishqay nabi(sawaw)nay dil kau gulistaaN banaa diyaa

Bohat hi umda kalaam se aapne nawaza hamein. Meri daad aur mubarakbaad qubool farmayeN.

bahut bahut shukriya aapka.jazakallah

Mukhlis
Salem Bashwar

mukhlis
haamid baaqari