mujhe bhii keejiye shaamil abb aap maiHfil meiN(Ismail ajaz)

[ismail ajaz]

mujhe bhii keejiye shaamil abb aap maiHfil meiN
jagah bhii chaahiye thoRii sii aap ke dil meiN

bohot sii khaamiyaaN mujhe dikhaa'ee detiiN haiN
magar kuchh dostoN kii bhii nigaaheiN raihtiiN haiN

woh merii khamiyoN meiN khoobiyaaN bhii paate haiN
aur mera HauSlah bhii har ghaRhii baRhaate haiN

har ek bazm meiN Husn o jamaal raihta hai
aur uss ke saath yeh mera "khayaal" raihta hai

[Muzaffar Ahmad Muzaffar]

moHtaram Isma'aeel A'ajiz SaaHib tasleemaat!

Anjuman meN aap ko sabhee araakeen-e-majlis kee jaanis se khush aamdeed kaha jata hai. aap kee bharpoor aamad nihayat HaoSlah afzaa hai. Allah kare keh aap kee shirkat ham sab ke liye khaer-o-barakat ka peGhaam le kar aae. Aameen!

aap ne jin khubSurat aor dilkash asha'aar se nawaaza hai us ke liye bhee aap ka minnat pazeer hooN. meree jaanib se in asha'aar par dilee daad aor mubarak baad qubool keejiye. ummeed hai yooN hee apne kalam e nawaazte raheeN ge.

Wassalam
Muzaffar AHmad Muzaffar

[sbashwar]

Mohtaram Ismail Ajaz Saheb


Mere taraf se dili isteqbal qubool farmayeN.
Main aapka bohat mashkoor houn ke aapne meri dawat qubool kiye.

Mukhlis
Salem Bashwar

[ismail ajaz]

moHtaram Isma'aeel A'ajiz SaaHib tasleemaat!

Anjuman meN aap ko sabhee araakeen-e-majlis kee jaanis se khush aamdeed kaha jata hai. aap kee bharpoor aamad nihayat HaoSlah afzaa hai. Allah kare keh aap kee shirkat ham sab ke liye khaer-o-barakat ka peGhaam le kar aae. Aameen!

aap ne jin khubSurat aor dilkash asha'aar se nawaaza hai us ke liye bhee aap ka minnat pazeer hooN. meree jaanib se in asha'aar par dilee daad aor mubarak baad qubool keejiye. ummeed hai yooN hee apne kalam e nawaazte raheeN ge.

Wassalam
Muzaffar AHmad Muzaffar

janaab Muzaffar AHmad Muzaffar SaHab

aap par Allah kii raiHmateiN aur salaamtii ho

mujhe aap ne jo izzat aur khushii bakhshii apnee muHabbatoN se bharee taiHreer se,bohot achha laga

nawaazish karam shukriyah maiherbaanii,ummeed hai keh aap aiHbaab ka saath mila tow bohot sii khaamiyaaN mujhe meiN jo maujood haiN khoobiyoN meiN badal ja'aiN gii,mera naam Ismail aijaaz hai jise meiN likhta ghalat hooN,iss meiN mera qusoor naheen hai,merii taiHreerii shanaakht meiN likhne waaloN ne ajaz likh diya hai jo chala aaraha hai.

maiN ne aajiz likha aap ne aajiz se pukaara,apne likhne se zyaadah aap ka pukaarna achha laga,aap ke saath saath urduanjuman meiN janaab M.K.Siddqui saHab ne bhii mujhe aajiz hi kaha,Allah rabbul izzat SaHeeH ma'aanoN meiN mujhe aajizii kii taufeeq ata farma'aye,maiN ne apne ta'arrufii ash'aar meiN se lafz aajiz taiHreef kar diya hai taa keh bazm meiN naam ke aitbaar se SaheeH ta'arruf ho sake.

maiN apnii iss tabdeelii peh sharmindah hooN.aur Allah se badast e du'aa hooN keh mujhe SaHeeH taur par aajizii o inkisaarii ata farmaa'ay (aameen)

Ismail ajaz khayaal

[ismail ajaz]

Mohtaram Ismail Ajaz Saheb


Mere taraf se dili isteqbal qubool farmayeN.
Main aapka bohat mashkoor houn ke aapne meri dawat qubool kiye.

Mukhlis
Salem Bashwar

janaab Salem Bashwar SaHab

assalaam o alaikum
iss meiN ko'ee shak naheeN ke maiN ne aap kii daawat par hii urdubandhan se apna naata joRa hai jis ke liye maiN teh e dil se aap ka mamnoon hooN,mujhe iss baat ko apne ta'arrufii kalaam meiN hi waazea' karna chaahiye tha,maiN apnii kotaahii kii maazrat chaahta hooN

maiN yahaaN aap aiHbaab se seekhne aaya hooN mera ghar urdujahaaN hai.laikin mera rishtah aap sabb se hai

DuaaoN ka taalib

Ismail ajaz khayaal