Haalaat e Haazira peh parindoN kii guftugu

[ismail ajaz]

www.urdujahaan.com meiN post kii ga'ee nazm urdubandhan se bandhan baandhne ke liye tamaam aihl e bazm kii nazr

Haalaat e Haazira peh parindoN kii guftugu


ay suno !......................

humaara kaunsii dunya meiN abb baseraa hai
jahaaN peh chhaaya huwa har taraf andheraa hai

na rishta daariyaaN insaaN nibhaa rahaa hai kaheeN
na zimadaariyaaN apnii uThaa rahaa hai kaheeN

jise bhii dekho raah e faraar chaahta hai
nigaaheiN pher ke dil ka qaraar chaahta hai

hai khud numaa'ee,har ikk shakhS meiN banaawaT hai
freb o jhooT meiN kirdaar kii sajaawaT hai

kaheeN peh zindagii ka qatl e aam jaaree hai
kaheeN peh kaif o mastee suroor taarii hai

kaheeN peh bhook hai aflaas hai tabaahee hai
kaheeN peh ayesh hai,aur zeest tarz e shaahee hai

kisii ko faKhr hai Khud ke kafeel hone ka
kisee ko qalq hai kamtar zaleel hone ka

kaheeN peh zindagii be aabroo sisaktee hai
kaheen peh dekho tow Hayewaaniyat thiraktee hai

chalo hum apnii na'ee dunya ko basaa'aiN ge
aur apna aashiyaaN insaan se bachaa'aiN ge

ajab urooj hai inn ka ajeeb pastii hai
"khayaal" yeh dunya ! naheeN panchhiyoN kii bastii hai

Ismail ajaz khayaal

[tahira Masood]

Ajaz SaHeb

salaam

aap ne kamaal ki tazmeen ki hai

bohat a'alaa alfaaZ aur takhayyul hai

naghmagee se bherpuur hai =D> =D> =D> :rose

aur saath hi ankheiN kholne waala kalaam bhi hai

aaj kal is terah ki shaairee ki bohta zaroorat hai

yeh qalmi jehaad hai jis mai HiSSah laina hamaara ferz hai

magar afsos kitne haiN jo is teraf sochte haiN

Allah Ta'alaa is se bohtoN ko aql pakaRne ki taufeeq.aameen

wassalam

[ismail ajaz]

Ajaz SaHeb

salaam

aap ne kamaal ki tazmeen ki hai

bohat a'alaa alfaaZ aur takhayyul hai

naghmagee se bherpuur hai =D> =D> =D> :rose

aur saath hi ankheiN kholne waala kalaam bhi hai

aaj kal is terah ki shaairee ki bohta zaroorat hai

yeh qalmi jehaad hai jis mai HiSSah laina hamaara ferz hai

magar afsos kitne haiN jo is teraf sochte haiN

Allah Ta'alaa is se bohtoN ko aql pakaRne ki taufeeq.aameen

wassalam

moHtaramah "TAHIRA MAS"OOD SaHebah
assalaam o alaikum

aap ke nehaayat HauSla afza aur bharpoor andaaz e pazeeraa'ee ne merii himmat bandhaa'ee hai,maiN aap ka taih e dil se shukr guzaar hooN,Allah aap ko dunya aur aakhirat kii kaamyaabiyoN se nawaaze.

sachchii baat kii Himaayat karna bhii jihaad hai,fitrat ke khilaaf hone waalii har cheez peh kuRhna bhii jihaad hai,aiHsaas ka apnii nehej peh barqaraar raihna bhii jihaad hai,naikii ko naikii aur badii ko badii tasleem karte raihna bhii jihaad hai,aur apnii kamzorii aur kam himmatii par taasuf pazeer hona bhii jihaad hai,aur Allah se apne andar himmat o HauSla baRhaane kii duaa o justuju meiN lage raihna bhii jihaad hai.yeh woh saarii shakleiN haiN jin meiN eemaan ki Haraarat baaqii hai,aur agar humaare ird gird hone waalii bad aamaaliyaaN be usooliyaaN humeiN hotii hu'ee nazar aarahii haiN aur hum Tass se mass naheeN ho rahe tow eemaan kii chhuTTee

Allah hum sab ke eemaanon kii Hifaazat farma'ay (aameen)

Ismail ajaz khayaal

[sajhashmi]

Tahirah Masood sahiba ne durust fermaiya S Anwer Jawaid Hashmi eis review per 2 baar Suaad aur 3 barr
Ismail ajaz k khayaal ki terceel per mubarakbaad detey heiN.wah wah wah =D>

[ismail ajaz]

Tahirah Masood sahiba ne durust fermaiya S Anwer Jawaid Hashmi eis review per 2 baar Suaad aur 3 barr
Ismail ajaz k khayaal ki terceel per mubarakbaad detey heiN.wah wah wah =D>

moHtaram janaab S Anwer Jawaid Hashmi SaHab

aap kii jaanib se HauSla azfa'ee DheroN Khoon baRha detee hai.Allah aap ko dunya o aakhirat kii izzateiN ata farma'ay (aameen)

taalib du'aa

Ismail ajaz khayaal