Yaaraan-e-majlis aadaab-o-tasleemaat!
A'alami t^arHaee Musha'erah GuZarish#49 baraa-e-1/2/09 miSra'-e-t^arH pesh-e-khidmat hai.
Sadr-e-mushaae'rah janaab Abdullah Nazir SaaHib-
MeHmaan-e-khuSuSee ma'roof Shaae'ir janaab Saiyad jawaid Hashami SaaHib.
MiSra'-e-t^arH:
<<<<<<<"tereY e'shq kee intehaa Chahataa hooN">>>>>>>
Shaa'ir: Dr, MuHammad Iqbal.
Quwaafee: Khuda, juda, sazaa, shifaa, bhala, huwaa, luTaa, waGhaerah.
radeef: Chahataa hooN.
BeHer kee is shakl ko beHer-e-mutaqarib mucammin saalim kehte haiN.
fa oo' lun......fa oo' lun.......fa oo' lun.........fa oo'lun
122...............122...............122................122
sll.................sll...................sll..................sll
//0/0...............//0/0.............//0/0..........//0/0
Aap sab SaaHibaan-e-fikr-o-fan se iltemaas hai. keh diye gaeY miSra'-e-t^arH par apnee pehlee furSat meN t^aba' aazmaeeN aor apnee urdu dostee aor adab nawaazee kaa muz^aahirah kareeN. shukriyah!
Wassalam
Mutmannee-e-shirkat
intez^aamiyah Urdubandhan.