is mousam-e-bahaar mein nasir kidhar chale

[NASIR BURNEY]

asslamualaikum

ek ghazal post ker raha hoon agar kisi layeq ho to duaaon se nawaz deejiyega

baad-e-nishaat shahr mein aathon pehar chale
aisa na ho saka to kya koshish to ker chale

khush rang ho to kese ye tasweer-e-zindagi
qismat idhar chale to mera dil udhar chale

maqsood dekhnaa tha magar choo liya use
kya kaam kerne aaye the kya kaam ker chale

hum ne parakh liya hai tere iltifaat ko
mehfil se teri uth ke hum aashufta ser chale

atkheliyan gulon se to ghunchon se cherh chaarh
choo ker mizaj-e-husn naseem-e-sehar chale

phir bhee qadam uthana bhut dekh bhaal ke
hum yoon to saare raaste humwaar ker chale

khush aamdeed keh rahe hain baam-o-der tumhen
is mosam-e-bahaar mein nasir kidhar chale

mukhlis
nasir burney

[sbashwar]

Mohtaram Nasir Burney Saheb


hum ne parakh liya hai tere iltifaat ko
mehfil se teri uth ke hum aashufta ser chale

Bohat umda ghazal hai. Meri daad aur mubarakbaad qubool farmayeN.

[yasir shah]

muHtaram Nasir barnee SaaHib !
assalaamoa'laikum

aap ki ghazal khoob hay -

baad-e-nishaat shahr mein aathon pehar chale
aisa na ho saka to kya koshish to ker chale

hum ne parakh liya hai tere iltifaat ko
mehfil se teri uth ke hum aashufta ser chale

atkheliyan gulon se to ghunchon se cherh chaarh
choo ker mizaj-e-husn naseem-e-sehar chale

phir bhee qadam uthana bhut dekh bhaal ke
hum yoon to saare raaste humwaar ker chale

khush aamdeed keh rahe hain baam-o-der tumhen
is mosam-e-bahaar mein nasir kidhar chale

yeh ash'aar aur mat'la' bilkhuSooS pasand aayaa - daad qubool keejiye aur mujhay bhee apnee du'aaoN maiN yaad raKhiye gaa-

yasir

[NASIR BURNEY]

mohtaram sbashwar sahib
wa alaikum asslam wa rahmatullahi wa barakatuhu
bhut 2 shukriya daad-o-tehseen se nawazne ke liye

[NASIR BURNEY]

mohtaram shah sahib
wa alaikum asslam wa rahmatullahi wa barakatuhu
bhut 2 shukriya daad-o-tehseen se nawazne ke liye

[aabarqi]

Nasir ki yeh ghazal hai dil angez o dilnawaaz
Jis mein neyaaz o naaz bhi hai aur soz osaaz

Kaif o neshaat se bhi hai sarshaar yeh ghazal
Hasil jahaan e sher mein hai jisko imteyaaz

Mukhlis
Ahmad Ali Barqi Azmi
http://aabarqi.webs.com
http://draabarqi.tripod.com
http://aabarqi.blogspot.com

[munir-armaan-nasimi]

maqsood dekhnaa tha magar choo liya use
kya kaam kerne aaye the kya kaam ker chale

waah waah.. kya baat hai Nasir Burney Saaheb. MAsha'Allah puri ghazal rang-e-taghazzul se maalaamaal hai.

Daad pesh-e-khidmat hai, qobool karein.