TaraHee Ghazal (Mushairah Urduanjuman)

[jawaid badauni]

Hamari aaNkh jo purnam nahiN hai
woh yeh samjhe hameN ab gham nahiN hai

gham.e janaN, gham.e dauraN ka baNdhan
tou phir kya hai agar saNgam nahiN hai

mira Haal ab woh akSar poochte haiN
“mujhe itna sahara kum nahiN hai”*

Hamara unse rishta bus yeh samjho
taAlluq hai magar paiham nahin haiN

maiN mehv-e yas hooN lekin khushee hai
keh unki bazm meN matam nahiN hai

yeh jada mera jada, toba toba!
yahaN tou naam ko bhi Kham nahiN hai

mahaz.e jung jeeta HausloN se
hamare paas aitom bum nahiN hai

woh ai Jawaid bole sher sun ker
tumhari shairee meN dum nahiN hai

• Jigar Moradabadi


aapki giraNqadr aara ka muntazir,
Jawaid Badauni

[sbashwar]

Mohtaram Jawaid Badauni Saheb


mahaz.e jung jeeta HausloN se
hamare paas aitom bum nahiN hai

Meri daad aur mubarakbaad arz hai.

[jawaid badauni]

Mohtaram Jawaid Badauni Saheb


mahaz.e jung jeeta HausloN se
hamare paas aitom bum nahiN hai

Meri daad aur mubarakbaad arz hai.

moHtarmee Bashwar SaaHab

bahut bahut shukriya....

Nacheez,
Jawaid

[munir-armaan-nasimi]

Hamara unse rishta bus yeh samjho
taAlluq hai magar paiham nahin haiN

Waah ji Waah.. kya tarhi ghazal pesh kii aapne. Puri ghazal ka ek ek sher qaabil-e-daad hai magar mandarza bala sher mujhe behad pasand aaya....... pata nahin kyon mujhe es main Meer Taqi Meer Saheb ka rang nazar aaya.

Daad pesh-e-khidmat hai qobool farmaayein.

Munir Armaan

[jawaid badauni]

Hamara unse rishta bus yeh samjho
taAlluq hai magar paiham nahin haiN

Waah ji Waah.. kya tarhi ghazal pesh kii aapne. Puri ghazal ka ek ek sher qaabil-e-daad hai magar mandarza bala sher mujhe behad pasand aaya....... pata nahin kyon mujhe es main Meer Taqi Meer Saheb ka rang nazar aaya.

Daad pesh-e-khidmat hai qobool farmaayein.

Munir Armaan

Munir Arman Naseemi SaHab
Ghazal ki pazeeraayee ke liye beHud mamnoon HooN.

Jawaid