(ramzaan kareem) aa'iye hum sab mil kar duaa maaNgeN

[ismail ajaz]

aap sab ke Huzoor nazraanah e aqeedat,aa'iye hum sab mil kar duaa maaNgeN

chaaNd ramzaan kaa jab nazar aagayaa
maalik e dow jahaaN sab ke ghar aagayaa

raHmateN barkateN baaNTne ke liye
maah e ramzaaN musalmaaN ke dar aagayaa

wajh sowm o Salaat jo samajh jaaey gaa
usko jeene kaa samjho hunar aagayaa

hai musalmaaN tow islaam kaa ikk shajar
jis meN islaam kaa bhee Camar aagayaa

mere maalik tu mujh peh bhee kar de karam
abb tiree maGhfirat kaa baHar aagayaa

teree baKhshish saKhaa tere jood o karam
tujh se lene "Khayaal" tere dar aagayaa

taalib e duaa

Ismail ajaz khayaal