" jo muskuraa ke baat kare aashnaa lage "

[ismail ajaz]

ek taazah kalaam aiHbaab kee nazr ,ummeed hai pasand aa'ey gaa

arz e Khidmat hai

makr o fareb jhooT taSannoA sadaa lage
naaSeH kee paarsaa'ee meN shaamil daGhaa lage

yeh kistaraH kee waqt phir se chaal chal gayaa
har shaKhS hee khiNchaa huwaa rooThaa huwaa lage

dil toRne se paihle Zaraa soch leejiye
dil TooTe gar jo ap kaa tow kyaa bhalaa lage ?

kyuN faaSloN se aap guzarte haiN aaj kal
yeh tarz e amal aap kaa hum ko sazaa lage

hum saadgee meN dhokaa yuN khaane lage haiN abb
" jo muskuraa ke baat kare aashnaa lage "

maiHfil meN aap kee kabhee abb hum nah aa'eN ge
achhaa lage "Khayaal" yaa chaahe buraa lage

Ismail Ajaz Khayaal

[syed ziauddin naeem]

janab khayal sb.taslim
MASHAALLAH...AAP K KHAYALAT QABIL E QADR HAIN.Zail ka misra bunat k lihaz se bhi bahut mazboot aur khoobsurat laga.Dad paish karta hoon.HER SHAKS HI KHINCHA HUWA ROOTHA HUWA LAGE..WAH SB.
SYED ZIAUDDIN NAEEM.

[ismail ajaz]

janab khayal sb.taslim
MASHAALLAH...AAP K KHAYALAT QABIL E QADR HAIN.Zail ka misra bunat k lihaz se bhi bahut mazboot aur khoobsurat laga.Dad paish karta hoon.HER SHAKS HI KHINCHA HUWA ROOTHA HUWA LAGE..WAH SB.
SYED ZIAUDDIN NAEEM.

janaab moHtaram SYED ZIAUDDIN NAEEM SaaHeb

Allah aap par salaamtiyaaN raHmateN barkeN naazil farmaa'ey ,duniya oaaKhirat kee izzateN ataa farmaa'ey ,beHad shukrguzaar hooN maiN aap kaa

mamnoon

[najeeb]

Bohat khoob. Dili daad pesh hai.

[ismail ajaz]

Bohat khoob. Dili daad pesh hai.

bohot bohot shukriyah aap kaa najeeb bhaai

Allah aap ko Khush rakkhe


mamnoon

[manzar alam]

waah!...janaab bahot KHoob!
daad HaaZ^ir -e-Khidmat hai..qubool kareN

[ismail ajaz]

waah!...janaab bahot KHoob!
daad HaaZ^ir -e-Khidmat hai..qubool kareN

janaab moHtaram manzar alam SaaHeb

beHad mamnoon hooN maiN aap kaa,bohot shukriyah aap kaa