گزشتہ دنوں نوٹنگھم برطانیہ میں مقیم پاکستان کی اُردو شاعرہ فرزانہ خان نیناں کراچی آئیں تو ہماری اُن سے ملاقات ہوئی
فرزانہ نے نیٹ فورم پر اپنا بلاگ بھی بنایا ہوا ہے اور وہ بیرون ِ پاکستان اردو شعروادب اور فنون لطیفہ کی ترویج و ترقی
فرزانہ جب کراچی آئیں تو انھوں نے ملاقات کی خواہش کااظہار کیا سو ہم ملے اور اُن کو شعری مجموعے بھی تحفے میں پیش کیے
سیدانورجاویدہاشمی کراچی کے لیے اپنے تئیں کوشاں رہتی ہیں۔
اُن کی پیش کی ہوئی غزل اُردو بندھن کے ناظرین کی نذر کررہے ہیں۔۔۔سیدانورجاویدہاشمی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
درد کی نیلی رگیں تہہ سے اُبھر آتی ہیں
یاد کے زخم میں چنگاریاں در آتی ہیں
روز پرچھائیاں یادوں کی پرندے بن کر
گھر کے پچھواڑے کے پیپل پہ اتر آتی ہیں
صورتیں بنتی ہیں چاہت کی یہ کس مٹی سی
بارہا مٹ کے بھی یہ بار دگر آتی ہیں
اودے اودے سے صفورے کی گھنی ٹہنیوں سی
یاد کی سر مئی کرنیں سی گز ر آتی ہیں
روز کھڑکی سے قریب آم کے اس پیڑ کے پاس
طوطیاں چونچ میں لے لے کے سحر آ تی ہیں
اک وراثت کی طرح گاؤں کی گڑ سی باتیں
گٹھڑیاں باندھ کے اس دل کے نگر آتی ہیں
جتنا بھی چاہوں درِ یار سے بچ کر نکلوں
تہمتیں اتنی زیادہ مرے سَر آتی ہیں
اتنی سی بات پہ اچھی نہیں شوریدہ سری
شام کو چڑیاں تو سب اپنے ہی گھر آتی ہیں
شرم سے الجھے دوپٹے کی جو کھولوں گر ہیں
دل کی نیناں رگیں سب کھلتی نظر آتی ہیں
[/color][/b][/size]