SaneHah Peshawar par aap ke andohnaak asha'aar waqea'ah kee sharmnakee aor mulzimaan ki saffaakee ko khool kar bayaan kar rahe haiN mere qareen e qayaas aese afraad jo is bahimaanah waardaad ke muHarrik haiN kisi Surat bhi is baat ke mustaHiq naheeN ke unheeN insaani qabeel se munsaliq samjhaa jae ye darinde aor wehshee Sift naheN balkeh darHaqeeqat darinde haiN jo apne maqaaSid e mazmoomah ke liye apnee mao'ooN betiyooN aor bilashubah bachchooN ko bhee nihayat saste damooN firookht kar sakte haiN,
is Haqeeqat se bhee inkaar naheeN keh in afraad ke pas e pusht baRee saamraajee taqateeN haiN jo mulk meN khanah jangee ki see kaefiyat paedah karna chahatee haiN taa afraa tafree kee fazaa paedah ho aor har taraf be amani aor nafsaa nafsi ke baadal chaa jaeeN, a'aalami sateH par kisi makhSooS giroH yaa afraad ko is Had tak zaleel kiya jae ke a'aam aadmi un ka naam bhi sunne ka rawadaar nah ho maqaSid kuch bhee ho lekin waqea'ah kee sharmnaakee par sabhee sarapaa aHtejaaj haiN har gudaaz dil ghamnaak hai keh be sharmi aor be ReHmi ki intihaa ho gai.
Allah aap ko jaza e khaer se nawaze aor luwaHeqeen ko Sabr e jameel se nawaze. Ameen.
