قارئین کرام آداب عرض ہیں ایک سال قبل لکھا کلام پیشِ خدمت ہے امید ہے آپ احباب اپنی محبتوں سے نوازیں گے
عرض کیا ہے
۔۔۔۔۔۔۔۔۔۔۔۔۔۔۔۔۔
آپ کی ہے بادشاہی اور اجارہ آپ کا
چِت بھی میری پَٹ بھی میری انٹا میرے باپ کا
کیوں دبے پاؤں چلے آتے ہیں بلی کی طرح
کان میں کھٹکا نہیں قدموں کی بالکل چاپ کا
آگے سے کُرتا اٹھا ہے پیچھے سے لٹکا ہوا
کچھ چھپائے کچھ دکھائے سلسلہ یوں ماپ کا
تک دِھنا دِھن تک دِھنا دِھن پر تھرکتے ہیں بدن
ہر طرف ہے شور و غوغا طبلے والی تھاپ کا
تھا ہماری خامشی نے آپ کو یارا دیا
جو رعونت سے بھرا لہجہ ہے ہر پل آپ کا
بدتمیزی کا تعیّن بھی کرو قائم خیالؔ
ترش رو کڑوا سخن اور بدمزاجی چھاپ کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی محبتوں کا طلبگار
اسماعیل اعجاز خیالؔ