Manqabat e Imam Husain (as)

[sharib_12]

سید اقبال رضوی شارب
(بہ حضور امام عالی مقام )
(shaban 3rd is the day of birth)

ترے حضور میں اے عبدِ بے مثال سلام
اے نورِ چشمِ محمّد علی کے لال سلام


کسی کو وہ بھی دیا جو نصیب میں ہی نہ تھا
بہ اِذْن رب کیے طفلی میں کیا کمال سلام


چلا جو دین پہ خنجر پسِ رسول تو پھر
گلا بڑھا دیا تو نے بطورِ ڈھال سلام


ترا جہاد اک ایسا جوابِ بیعت تھا
اٹھا نہ پھر کوئی ایسا کبھی سوال سلام


کمالِ ظلم سے اونچا رہا ہے صبر ترا
تو صابروں میں ہے وہ نقطۂ کمال سلام


وہ ضرب کاری لگی کربلا کے جنگل میں
کہ زخمِ کفر ہے تازہ بے اندمال سلام


وہ حُر جو راندہِ درگاہِ زندگی ہوتا
اسے بھی کر دیا گوہر بہ مثل لعل سلام


لٹا کے دولتِ احباب اور جگر پارے
ہے لب پہ شکرِ خدا غم نہ کچھ ملال سلام


وہ اک صغیر جو نصرت کو تیری آیا تھا
حیات اسکی تھی لے دے کے نصف سال سلام


ہوئی جو حاضری در پر وہ خواب جیسی تھی
عطا طویل ہو شارب کو اک وصال سلام

[Tanwir Phool]

سبحان اللہ ، بہت خوب شارب صاحب

[sharib_12]

بہت شکریہ جناب تنویر پھول صاحب