یوں آئینے نہ بیچیے اندھوں کے شہر میں
Moderator: Muzaffar Ahmad Muzaffar
-
ismail ajaz
- -
- Posts: 430
- Joined: Tue Jan 13, 2009 12:09 pm
یوں آئینے نہ بیچیے اندھوں کے شہر میں
قارئین کرام آداب عرض ہیں , دو سال پرانا کلام پیشِ خدمت ہے امید ہے پسند آئے گا ،اپنی آرا سے نوازیے شکریہ
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب جو بھی خواب دیکھیے اندھوں کے شہر میں
تعبیر تو نہ ڈھونڈیے اندھوں کے شہر میں
مانا یہ رنگ آپ کو اچھا لگا مگر
کچھ تو نماٰیاں کیجیے اندھوں کے شہر میں
اپنا بھی احتساب کبھی کیجیے حضور
اندھوں کو مت ٹٹولیے اندھوں کے شہر میں
ہر صاحبِ خرد کے ہوئے کان بند ہیں
گونگوں کی بولی بولیے اندھوں کے شہر میں
افسوس کوئی دیکھنے والا نہیں ہمیں
آواز دے کے پوچھیے اندھوں کے شہر میں
ہر شخص دیکھتا ہے جو وہ دیکھتا نہیں
جو دیکھنا ہے دیکھیے اندھوں کے شہر میں
اندھوں نے بانٹی ریوڑی سب اپنوں اپنوں کو
اندھوں سے جا کے مانگیے اندھوں کے شہر میں
آنکھیں بھی دیکھنے کو عطا کیجیے خیالؔ
یوں آئینے نہ بیچیے اندھوں کے شہر میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ
- Attachments
-
- یوں آئینے نہ بیچیے اندھوں کے شہر میں.jpg (35.06 KiB) Viewed 123 times
محبّتوں سے محبّت سمیٹنے والا
خیالؔ آپ کی محفل میں آج پھر آیا
muHabbatoN se muHabbat sameTne waalaa
Khayaal aap kee maiHfil meN aaj phir aayaa
Ismail Ajaz Khayaal
(خیال)