اندھیرا چھٹتا جائے گا تُو انتظار کر

[ismail ajaz]

قارئین کرام آداب عرض ہیں ، ایک تازہ کلام پیشِ خدمت ہے امید ہے پسند آئے گا ، اپنی آرا سے نوایے ۔ شکریہ
عرض کیا ہے
۔۔۔۔۔۔۔۔۔۔۔۔۔۔۔
سمجھ تجھے بھی آئے گا تُو انتظار کر
کہ وقت سب بتائے گا تُو انتظار کر
ہر ایک بات پر تجھے جو اختلاف ہے
وہ ختم ہوتا جائے گا تُو انتظار کر
اِدھر اُدھر کی بات پر یقین ہے تجھے
یقیں تُو ہم پہ لائے گا تُو انتظار کر
یوں دُور دُور رہتا ہے تُو ہم سے آج کل
تُو ہم سے دل لگائے گا تُو انتظار کر
دِکھائی دے رہا ہے جو تجھے وہ سچ نہیں
جو سچ ہے جان جائے گا تُو انتظار کر
تُو ہم پہ ہنس رہا ہے اپنا منہ جو کھول کر
تجھے سَمَے رلائے گا تُو انتظار کر
نئی سَحر اجالے اپنے ساتھ لائے گی
اندھیرا چھٹتا جائے گا تُو انتظار کر
خیالؔ نفرتیں بھلا کے زندگی تُو جی
زمانہ مُسکرائے گا تُو انتظار کر
۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ