Sher ke doosre misre ke pehle/aakhri alfaaz se sher kahiye!

[Hashmat Usmani]

ghiste

ghiste, ghiste paaoN meN zanjiir aadhii rah gaii
mar gaye par qabr kii ta'meer aadhii rah gaii
sab hii paRhtaa, kaash!, kiuN takbeer aadhii rah gaii?
-----khiNch ke, qaatil!, jab tirii shamshiir aadhii rah gaii
-----Gham se jaan-e-'aashiq-e-dil_geer aadhii rah gaii!

Asad Ullah KhaaN "Ghaalib" aur Bahaadur Shaah "Zafar"

lafze-e-"Gham" ya lafz-e-"gaii" se agla she'r marHamat farmaaiye, shukria.

[Ibn-e-siddique]

gham agarche jaaN gusl hai pa bacheN kahaaN ke dil hai
gham-e-ishq agar na hota, gham-e-rozgaar hotaa

[Hashmat Usmani]

Gham

Gham ne jab gheraa, to chaahaa ham ne yuuN, ai dil_navaaz!
mastii-e-chashm-e-siyah se chal ke hoveN chaarah_saaz
tuu sadaa-e-paa se jaagaa, thaa jo mai'Hv-e-Kh(ow)aab-e-naaz
-----dekhte hii ai sitam_gar! terii chashm-e-neem_baaz
-----kii thii poorii ham ne jo tadbeer, aadhii rai'h gaii!

Asad Ullah KhaaN "Ghaalib" aur Bahaadur Shaah "Zafar"

lafze-e-"kii" ya lafz-e-"gaii" se agla she'r marHamat farmaaiye, shukria.

[Ibn-e-siddique]

ki mire qatl ke baad us ne jafaa se tauba
haaye us zood pashemaaN ka pashemaaN hona

[Hashmat Usmani]

haye

haye-haye, Khuda na_Khowasta, vo aur dushmani!
ai shauq!, munfa'il! yeh tujhe kia Khayaal hai

Ghaalib

lafze-e-"ai" ya "hai" se agla she'r marHamat farmaaiye, shukria.

[Hashmat Usmani]

aur

aur baazaar se le aaye, agar TooT gayaa
saaGhar-e-jam se miraa jaam-e-sifaal achchhaa hai

Ghaalib

lafze-e-"saaGhar" hai "hai" se agla she'r marHamat farmaaiye, shukria.

[Shummu]

Hai dil ko yaqeeN aayenge woh laut ke ek roz
jaise woh koi cheez yahaan bhool gaye hoN


Jaise/hoN

[Ibn-e-siddique]

jaise ham aadam-o-havva ki sazaa bhool gaye
varghalaate rahe jannat ke nazaare kiya kiya

varghalaate / kiya

[Hashmat Usmani]

dil

dil-e-naa_daaN! tujhe huaa kia hai?
aaKhir is dard kii davaa kia hai?

Ghaalib

lafze-e-"aaKhir" hai "hai" se agla she'r marHamat farmaaiye, shukria.

[Shummu]

aaKhir Ghazal kaa taajmahal bhii hai makbaraa
ham zindagii the hamko kisii ne jiyaa nahii.n


HAM/NAHIIN

[Hashmat Usmani]

nahiiN

nahiiN minnat_kash-e-taab-e-shuniidan daastaaN merii
Khamoshii guftugu hai, be_zubaanii hai zubaaN merii?

Ghaalib

lafze-e-"Khaamoshii/Khamoshii/Khaamshii" ya lafz-e-"merii" se agla she'r marHamat farmaaiye, shukria.

[Mohib]

khamoshi kah rahi hai kaan mein kya
aa raha hai mere gumaan nein kya
ye mujhe chain kyuN nahin padtaa
ek hi shaks tha jahaan mein kya??

ek aur kya

[Hashmat Usmani]

kia

kia rahuuN Ghurbat meN Khush, jab ho Havaadis kaa yeh Haal
naamah laataa hai vatan se naamah_bar aksar khulaa?

Ghaalib

lafze-e-"naamh" ya lafz-e-"khulaa" se agla she'r marHamat farmaaiye, shukria.

[Shummu]

Khulaa ye bhed Ke tanhaaiyaaN hi qismat haiN
ik umr dekh liiN MehfileiN Sajaa Kar bhi



ik/bhi

[Hashmat Usmani]

are Shummu kitnii mushkil meN daal diyaa mujhe aapne. mujhe to sirf EK hii lafz kii ri'aayat milii hai. mujhe nahiiN lagta ki koi she'r lafz-e-"bhii" se shur'u hotaa hogaa. aur dusre lafz meN bhi DanDii maar dii...aap agar mujhe ONE kii teenoN haiyat kii ijaazat de detiN to mera kaam aasaan ho jaataa ya'nii EK/IK/YAK ...chalo koii baat nahiiN, mu'aaf kiyaa kisii saaHib e s Khaa ne


ik

ik sharar dil meN hai, usse koii ghabraayegaa kia?
aag matloob hai hamko jo hawaa kahte haiN?

Ghaalib

lafze-e-"aag" ya lafz-e-"haiN" se agla she'r marHamat farmaaiye, shukria.