Khayaal urdubandhan MushaaErah # 44

Post by **ismail ajaz** » Sat Dec 07, 2024 10:43 pm

قارئین کرام اردو بندھن مشاعرہ نمبر ۴۴ کے لیے میری کاوش کے ساتھ حاضرِ خدمت ہوں امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فریب کھا گیا پنچھی بس اک بہانہ ہوا
ہوا میں تیر رہا تھا قفس ٹھکانہ ہوا

کہانی پھر وہی دوہرائی وقت نے آ کر
بنا کہیں کوئی قصّہ کہیں فسانہ ہوا

چلایا تیر کسی پر تھا جس نے دھوکے سے
وہ اپنے تیر کا دھوکے سے خود نشانہ ہوا

سمجھ رہا تھا وہ کھیلے گا ایک لمبی اننگز
بس ایک گیند پہ وکٹیں اُڑیں روانہ ہوا

کہا تھا تم سے کہ وقت ایک سا نہیں رہتا
ہماری بات کا تم پر اثر ذرا نہ ہوا

خُدا کے بندوں کی توہین مت کرو دیکھو
عمل تمہارا سراسر یہ کافرانہ ہوا

برا سلوک کسی طور پر نہیں منظور
پرایا شخص اگرچہ کبھی سگا نہ ہوا

تمہیں نکالا کسی اور کو نواز دیا
تمہارا بخت مکافات کا نشانہ ہوا

تمہارا دعوٰی تھا اک دن رلاو گے سب کو
پھر اس کے بعد ہر اک سمت شاخسانہ ہوا

خیالؔ تم نے جو بویا اسی کا پھل کاٹا
سلوک تم سے کہیں کوئی ناروا نہ ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ کی توجہ کا طلبگار
اسماعیل اعجاز خیالؔ

Post by **Tanwir Phool** » Tue Dec 10, 2024 4:05 am

بہت خوب

Post by **ismail ajaz** » Thu Dec 12, 2024 12:08 am

Tanwir Phool wrote: Tue Dec 10, 2024 4:05 am
بہت خوب

جناب محترم تنویر پھول صاحب
السلام علیکم
جنابِ عالی ایک طویل مدّت کے بعد آپ سے گفتگو کا شرف حاصل کر رہا ہوں اللہ آپ کو سدا سلامت رکھے شاد و آباد رکھے
آپ کی محبتیں عنایتیں سر آنکھوں پر
میں آپ کا تہ دل سے شکرگزار ہوں

Khayaal urdubandhan MushaaErah # 44

Khayaal urdubandhan MushaaErah # 44

Re: Khayaal urdubandhan MushaaErah # 44

Re: Khayaal urdubandhan MushaaErah # 44