تم نے کیوں چہرہ چھپا رکّھا ہے

[ismail ajaz]

یہ کلام ۱۰ نومبر ۲۰۲۴ میں لکھا گیا تھا
قارئین کرام ایک تازہ کلام کے ساتھ حاضرِ خدمت ہوں امید ہے پسند آئے گا

عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب کو نقاد بنا رکّھا ہے
آئینہ سب نے اٹھا رکّھا ہے

کوئی خود پر نہیں رکھتا الزام
دوسروں پر جو لگا رکّھا ہے

بولنے والو زباں رکھتے ہو
اس لیے شور مچا رکّھا ہے

کوئی قدغن نہیں اس پر لاگو
حلف جس نے بھی اٹھا رکھا ہے

ہم ہیں آزاد وطن کے باسی
اور غلامی کو روا رکّھا ہے

آپ ہیں علم و ادب کے داعی
جہل سے پھر بھی نبھا رکّھا ہے

اذیتیں دوسروں کو دینے کو
دل کی تسکین بنا رکّھا ہے

زندگی ایک حسیں ہے دھوکا
اور دھوکے نے پھنسا رکّھا ہے

ہے الگ آپ سے دل کا رشتہ
آپ کو دل میں بسا رکّھا ہے

ہم امانت کے علمدار تو ہیں
راستہ پھر بھی دغا رکّھا ہے

تم خیال آج دکھا دو سب کو
تم نے کیوں چہرہ چھپا رکّھا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ