اس سے تُو رشتہ نبھانا چھوڑ دے

[ismail ajaz]

قارئین کرام اردو بندھن مشاعرہ ۲۶ میں خیال ، امید ہے پسند آئے گا

عرض کیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔


دھیرے دھیرے مسکرانا چھوڑ دے
دل چُرانا دل لبھانا چھوڑ دے

ہوں اگر چاروں طرف رعنائیاں
ہر کسی سے دل لگانا چھوڑ دے

بھیک میں عزت نہیں ملتی کبھی
مانگنا اور گڑگڑانا چھوڑ دے

زندگی دریا کی صورت ہے اگر
راستوں میں گھر بنانا چھوڑ دے

جو بھی دشمن کا سہولت کار ہے
اس سے تُو رشتہ نبھانا چھوڑ دے

اپنے دشمن کی نہیں تجھ کو خبر
راز لوگوں کو بتانا چھوڑ دے

جس گلی میں کوئی بھی اپنا نہ ہو
اس گلی میں آنا جانا چھوڑ دے

زندگی جب چار دن کی ہے خیالؔ
اس پہ حق اپنا جتانا چھوڑ دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ کی توجہ کا طلبگا

اسماعیل اعجاز خیالؔ