Khush-aamded/Welcome URDU-BANDHAN...hamaaraa ghar

[Hashmat Usmani]

salaam dosto,

Khush-aamded/Welcome URDU-BANDHAN :)

moHtaram janaab e Naazir saaHib, moHtaramah janaabah Saara saaHiba aur tamaam mo'azziz saathiyoN ko dili-mubaarak-baad!

aap sab ko yeh jaan kar aur yeh dekh kar laa-mutanaahii masarrat hogii ki hamaaraa jaan se bhi azeez-tar ghar [URDU-BANDHAN] vaapis aa gayaa hai...aaiye, aaiye tashreef laaiye...aaiye yahaN ham phir se udham chaukaRii lagaate haiN aur jam kar dhamaal karte haiN.

ham aaj tarab meN raqsaaN haiN...aaiye aur mere saath jhoomiye [misl e feel!]

[waqar_masood]

assalam o alaikum

yeh to buhut khushi ki baat hay keh yeh khubsoorat site phir say bahaal ho gayee ..welcome to all the members again and again ...khush rehain sab ..

waqar masood

[Star Mind]

Assalam-o-a'laikum,

MoHtarami A.Nazir SaaHib, MoHtarama Saara Jabeen SaaHiba, aur arbaab-e-meHfil ,

MaiN aap sab ko Urdubandhan ki baHaali par dheeroN mubaarakbaad paish kartaa hoN :D

Allah Ta'aalaa se du'aa hai k rabb-e-paak hamaare is Jannat-numaa ghar ki daai'm Hifaazat kare(Aameen) :D

................................................................

Hashmat bhai , aap ka bahut bahut shukriya k aap ne ye thread open kyaa :D

MokhliS: Zia Baloch

[Abdullah Nazir]

Muhtarameen
Hashmat Osmani Saahib,
Waqar-Masood Saahib, aur
Zia Baloch Saahib,

Purkhuloos Tasleemaat, :)

Aap sab ka dobaarah istiqbaal karte houe bahut khushi mehsoos hourahi hei.

Allah ka fazl houaa ke Saara Saahibah ne poori tavajjoh dekar saari mushkilaoN per qaaboo paaliyaa. Doosre aap sab kii duayeN saath theen ke site bahaal hougaiee.

Aap sab ka shukriyah.

Aapka Mukhlis,

Nazir.

[sbashwar]

Asslam Alaikom.
Har nayi koshish mein kuch na kuch khamiyan/rukavatein hoti hein. Alhamdlillah Urdubandhan ke dubara bahal honey par mein sabhi membran ko dili mubarak baad deta houn. Isko kamyaab banane ke liye sabhi hazraat ke tawoon ki zurorat hogi.
Shukria.
Salem Bashwar