Shair ka jawab shair main dejeye

Post by **najma** » Fri Apr 15, 2005 2:24 am

apne haathoN se nasheman ko jala dete haiN
hausla seekhe koee khaanmaaN barbaadoN se
nafis ahmad siddiqui

Post by **Hashmat Usmani** » Fri Apr 15, 2005 2:28 am

Khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

Piir Zaadah "Qaasim"

Post by **najma** » Fri Apr 15, 2005 2:31 am

jawaan apna jawano!
ye walwalah rakhna
diyaa, diye se jalane ka silsilah rakhna
najma

Post by **Hashmat Usmani** » Fri Apr 15, 2005 2:41 am

phooloN kii tarah dil meN basaaye huye rakhnaa
yaadoN ke charaaGhoN ko jalaaye huye rakhna
lambaa hai safar is emN kahiiN raat to hogii

beete huye lamHoN kii kasak saath to gii
KhaaboN meN hii ho chaahe mulaaqaat to hogii

Post by **najma** » Fri Apr 15, 2005 2:46 am

zindagi ki rawish rawish ham ne
apna daaman sada bachaya hay
har qadam phoonk phoonk kar rak.kha
har qadam par fareb khaya hay
najma

Post by **Hashmat Usmani** » Fri Apr 15, 2005 3:10 am

najma wrote:zindagi ki rawish rawish ham ne
apna daaman sada bachaya hay
har qadam phoonk phoonk kar rak.kha
har qadam par fareb khaya hay
najma

zindagii kii reh meN chal, lekin zaraa bach_bach ke chal
yeh samajh le koii meenaa_khaana baar-e-dosh hai

'allaamah Iqbaal

Post by **najma** » Fri Apr 15, 2005 10:31 am

har ik guzar-gah-e-ayyaam mujh se raushan thii
falak-shinaas sitaare mirii nazar ke thay

Post by **Hashmat Usmani** » Sat Apr 16, 2005 12:01 am

merii aaNkhoN meN dekh ke taare, sitaare saare sharmaa gaye
par sajnii ne Haal na puuchhaa, aur samjhaane sab aa gaye

Ibraheem "Ashk"

Post by **najma** » Sat Apr 16, 2005 12:24 am

kya sadaqat bhi jurm hay koee?
log kyuuN aarahay haiN samjhane ?
najma

Abdullah Nazir · Post by **Abdullah Nazir** » Sun Apr 17, 2005 5:24 pm

Sitam aur uos pah khamoushi kaa hukm aiy Sayyaad

zubaan taRaptii rahegi dahan meiN rehne tak.

Nazir.

Post by **najma** » Sun Apr 17, 2005 6:31 pm

faryaad jo karte haiN to kaTtee haiN zabaaneN
kis aaas pe ham adl ki zanjeer hilaaeiN
najma

Post by **Hashmat Usmani** » Mon Apr 18, 2005 1:25 am

rahii baalaa_nashiiN uftaad merii
falak_parvaaz hai faryaad merii

Seemaab Akbarabadi

Abdullah Nazir · Post by **Abdullah Nazir** » Mon Apr 18, 2005 11:13 am

naashanaasaaye gham-e-dil nah samajh le mujhko

terii bedaad pah bhii tujhko duAaa detaa hooN.

Nazir.

Post by **najma** » Mon Apr 18, 2005 2:50 pm

terii be-daad ka meh,shar meiN karengay shikwah
ham ne insaaf, qayaamat pe uThaa rak,kha hay
najma

Aanchal · Post by **Aanchal** » Mon Apr 18, 2005 3:34 pm

Adal-o-insaaf faqat hashar pay mouqoof nahi
zindagi khud bhi ghunahoun ki saza dayti hai

Shair ka jawab shair main dejeye

javaab

javab