Shair ka jawab shair main dejeye

Post by **najma** » Mon Apr 18, 2005 3:45 pm

Aanchal wrote:Adal-o-insaaf faqat hashar pay mouqoof nahi
zindagi khud bhi ghunahoun ki saza dayti hai

insaaN ke liye zehr liye phirta hay insaaN
kya is ke liye koee bhi taa,zerr naheeN hay?
najma

Abdullah Nazir · Post by **Abdullah Nazir** » Wed Apr 20, 2005 12:41 pm

Koii hamdard nah ghamkhwaar hei pursish ke liye

khooN bahaayegaa mire deeda-e-giryaaN kab tak.

Nazir.

Post by **najma** » Wed Apr 20, 2005 8:59 pm

hamara jurm yehii hay jahaaN meiN aiy najma!
keh ham khuloos ke maaroN se pyaar karte haiN
najma

Post by **Hashmat Usmani** » Thu Apr 21, 2005 12:22 am

maHbuub vo k sar se qadam tak Khuluus ho
'aashiq vohii k Husn se kuchh bad_gumaaN bhii ho

"Firaaq" Gorakhpuri

Abdullah Nazir · Post by **Abdullah Nazir** » Thu Apr 21, 2005 2:14 am

jaan dete heiN zamaane ko ujaalaa dekar

tuu miri shamA sahii maiN tiraa parvaanah sahii.

Nazir.

Post by **Hashmat Usmani** » Thu Apr 21, 2005 3:02 am

bujh gaii kuchh is taraH shama'-e-"Salaam"
jaise ik biimaar achchhaa ho gayaa

Salaam Machhli Shai'hrii

Abdullah Nazir · Post by **Abdullah Nazir** » Thu Apr 21, 2005 1:42 pm

Gou hawaa'aoN ko thii mujh se dushmanii

phir bhii shamA-e-zindagii jaltii rahii.

Nazir.

Post by **Hashmat Usmani** » Fri Apr 22, 2005 2:24 am

duur shama'-e-Khayaal ke maanind
sham'a vaadii kii jhilmilaatii hai
yaas ke be_karaaN andhere meN
ek umiid muskuraatii hai

Saifuddin "Saif"

Abdullah Nazir · Post by **Abdullah Nazir** » Fri Apr 22, 2005 2:40 am

Yaas ke andheraoN meiN ik charaagh jaltaa hei yaad-e-yaar baaqi hei

saans aati jaati hei dil dhaRaktaa rehtaa hei, yaad-e-yaar baaqi hei.

Nazir.

Post by **Hashmat Usmani** » Fri Apr 22, 2005 2:45 am

yaad-e-Ghazaal chashma, fikr-e-saman nazaaraaN
jab chaahaa kar diya hai, kunj-e-qafas bahaaraaN

Faiz AHmad "Faiz"

Abdullah Nazir · Post by **Abdullah Nazir** » Fri Apr 22, 2005 3:00 am

SubH-e-ishrat aayii hei yaa aatish-e-dard-o-alam

khwaab-e-ghaflat meiN nah rehiye, aankh mal kar dekhiye.

Nazir.

Post by **Hashmat Usmani** » Fri Apr 22, 2005 3:08 am

raftah, raftah Ghair apnii hii nazar meN ho gaye
waah rii Ghaflat! tujhe apnaa samajh baiThe the ham

Firaaq Gorakhpuri

Abdullah Nazir · Post by **Abdullah Nazir** » Fri Apr 22, 2005 3:14 am

zindagaani ke masaayil kii haqeeqat kyaa kahuN

teri zulfaoN kii taraH uljhaa kiye suljhaa kiye.

Nazir.
[/color

Post by **Hashmat Usmani** » Fri Apr 22, 2005 3:20 am

qaat'a-e-'aemaar haiN aksar nujuum
vo balaa-e-aasmaanii aur hai

Ghaalib

Abdullah Nazir · Post by **Abdullah Nazir** » Fri Apr 22, 2005 3:26 am

ghurbat meiN dhoop ne kyaa jhulsaa diyaa badan ko

nafrat sii hougaii hei sooraj kii raushnii se.

Nazir.
[/color