Shair ka jawab shair main dejeye

Post by **najma** » Tue Apr 26, 2005 10:24 am

aaj haalaat baghawat pe haiN shayad maa,il
mutafakkir sa nazar aataa hay peer-e0mahaul
khawar qureshi

Post by **Hashmat Usmani** » Wed Apr 27, 2005 5:01 am

munsifo! saliiboN par faisale nahiiN hote
be_sabab baGhaavat ke saanaHe nahiiN hote

Zakia "Ghazal"

Post by **najma** » Wed Apr 27, 2005 11:00 am

Hashmat Usmani wrote:munsifo! saliiboN par faisale nahiiN hote
be_sabab baGhaavat ke saanaHe nahiiN hote

Zakia "Ghazal"

mohabbatoN ko saleeboN pe taangne walo!
khuloos ho to mohabbat koee gunaah naheeN
nafis ahmad siddiqui

khanjee · Post by **khanjee** » Wed Apr 27, 2005 12:53 pm

najma wrote:
Hashmat Usmani wrote:munsifo! saliiboN par faisale nahiiN hote
be_sabab baGhaavat ke saanaHe nahiiN hote

Zakia "Ghazal"

mohabbatoN ko saleeboN pe taangne walo!
khuloos ho to mohabbat koee gunaah naheeN
nafis ahmad siddiqui

AOA,

Mohabat k mazaroon tak chalain ge

Zarra pee lain sitaroon tak chalain ge.

Sohail Abbasi.

Post by **najma** » Wed Apr 27, 2005 1:15 pm

sitaroN sse aage jahaaN aur bhi haiN
abhi ishq ke imtihaaN aur bhi haiN

Post by **Hashmat Usmani** » Wed Apr 27, 2005 1:18 pm

aao Huzoor! tumko sitaaroN meN le chaluuN
dil jhoom jaaye, aise nazaaroN meN le chaluuN

Hasrat Jaipurii

Post by **najma** » Wed Apr 27, 2005 1:32 pm

taab-e-nazzara kise thii, kaun unko dekh,taa
ham to apne hosh ki dunya luTaa kar reh gaey
najma

Post by **Hashmat Usmani** » Wed Apr 27, 2005 1:52 pm

dil kii yeh aarzoo thii koii dil_rubaa mile
ab tak to jo bhii dost mile, be_vafaa mile

SaaHir Ludhianvii

Post by **najma** » Wed Apr 27, 2005 2:25 pm

wafaa ka naam zamane meiN higaya nayaab
ye acha kaam zamane meiN hogaya nayaab
najma

Post by **najma** » Wed Apr 27, 2005 7:30 pm

is dar se jhatak dete haiN har dast-e-shifa ko
esa na ho is haath meiN khanjar nikal aey
najma

Post by **najma** » Wed Apr 27, 2005 8:55 pm

laaj maqtal meiN yuuN rakhii yaaro!
haath meiN le gaey uThaa ke sir
nafis ahmad siddiqui

Post by **Hashmat Usmani** » Wed Apr 27, 2005 9:18 pm

Hisaar-e-maqtal-e-jaaN meN lahuu_lahuu maiN thaa
rasan_rasan merii vaHshat, guluu_guluu maiN thaa

Aalam Taab "Tashna"

Post by **najma** » Wed Apr 27, 2005 10:42 pm

yehi hay shart, keh ponhcho khalaaoN meiN jis-dam
watan ki khaak se apna mu,aamilah rakhna
najma

Post by **Hashmat Usmani** » Wed Apr 27, 2005 11:43 pm

sarfaroshii kii tamanna, ab hamaare dil emN hai
dekhnaa hai zor kitnaa baazoo-r-qaatil meN hai

Bismil Allahabadi

Post by **najma** » Thu Apr 28, 2005 12:07 am

thee khabar NAJMA, wo aaeingay yahaN khanjar-ba-kaff
talib-e-shauq-e-shahaadat sir jhukaa kar reh gaey
najma