Shair ka jawab shair main dejeye

Post by **Hashmat Usmani** » Thu Apr 28, 2005 1:57 am

najma wrote:thee khabar NAJMA, wo aaeingay yahaN khanjar-ba-kaff
talib-e-shauq-e-shahaadat sir jhukaa kar reh gaey
najma

waah Hamsheerah saaHibah...kia Khoob kahaa!

abhii aur tez kar le sar-e-Khanjar-e-adaa ko
mere KhuuN kii hai zaruurat terii shoKhii-e-Hinaa ko

Ali Sardaar Ja'frii

Post by **najma** » Thu Apr 28, 2005 2:06 am

khooN-naab-e-gul, shafaq ka tabassum, hina ka rang

surkhii mire lahuu ki kahaaN tak chali gaee

nafis ahmad siddiqui

Post by **Hashmat Usmani** » Thu Apr 28, 2005 2:19 am

na mere zaKhm khile haiN, na teraa rang-e-Hinaa
mausam aaye hii nahiiN ab ke gulaaboN_waale

AHmad Faraaz

Post by **najma** » Thu Apr 28, 2005 2:24 am

kis raah meiN hay mausim-e-gul, dhoond ke laao
zakhmoN se mire hogii mudaaraat kahaaN tak
najma

Post by **Hashmat Usmani** » Thu Apr 28, 2005 2:50 am

yuuN to muuNh pher ke dekho bhii nahiiN ho
jab waqt paRe hai to madaaraat karo ho

Kaleem Ai'jaaz

Post by **najma** » Thu Apr 28, 2005 3:05 am

yuuN gaey, muR kar na dekha, rahii-e-mulk-e-adam!
dekhiye! mat jaaiyye! ham bar-malaa kehte raghay
najma

Post by **Hashmat Usmani** » Thu Apr 28, 2005 3:28 am

pinhaaN thaa daam saKht qariib aashiyaaN ke
uRne na paaye the k giraftaar ham huye

Ghaalib

Post by **najma** » Thu Apr 28, 2005 11:10 am

maiN qafas ko saath hi lekar na uR jaaooN kaheeN
kijiye! sayyad ko mera nighebaaN kijiye

nafis ahmad siddiqui

Post by **Hashmat Usmani** » Thu Apr 28, 2005 11:14 am

dekhiye kia gul khilaatii hai bahaar ab ke baras
Khowaab meN dekhaa hai, "Faani" ne, qafas kaa dar khulaa

Faanii Badaayuunii

Post by **najma** » Thu Apr 28, 2005 11:39 am

wahshat meiN girebaaN phaaRne ka kis ne banaya mansoobah
rah-e-amal meiN deewaanoN ke, hote haiN ijlaas kahaaN
khawar qureshi

Post by **Hashmat Usmani** » Thu Apr 28, 2005 2:25 pm

ai shab-e-Gham! ham haiN aur baateN dil-e-naa_kaam se
sote haiN naam-e-Khudaa sab apne ghar aaraam se

Shaad Azeemabaadi

Post by **najma** » Thu Apr 28, 2005 2:34 pm

mujhe raat kaaTnii hay, mujhe jaagna paRega
jo wo sogaya, to soey baRe shauq se zamanah
najma

Post by **Hashmat Usmani** » Thu Apr 28, 2005 5:36 pm

duniyaa ke sitam yaad, na apnii hii vafaa yaad
ab mujh ko nahiiN kuchh bhii moHabbat ke sivaa yaad

Jigar Muradabadi

Post by **najma** » Thu Apr 28, 2005 6:35 pm

iltijaeiN to bohat keeN sitam-eejaadoN se
koee matlab naheeBNN nikla miree faryaadoN se
nafis ahmad siddiqui

Post by **Hashmat Usmani** » Thu Apr 28, 2005 8:24 pm

rahii baalaa_nashiiN uftaad merii
falak_parvaaz hai faryaad merii

Seemaab Akbarabadi