Sher ke doosre misre ke pehle/aakhri alfaaz se sher kahiye!

Post by **najma** » Thu Apr 28, 2005 2:17 am

pehle ye soch lena mausim hay barishoN ka
bahar qadam na rakhna tum is andherii shab meiN
khawar qureshi

Post by **Hashmat Usmani** » Thu Apr 28, 2005 5:23 pm

rukne kaa samai guzar gayaa hai
jaanaa teraa ab Thahr gayaa hai

Parveen Shaakir

jaanaa / hai

Post by **najma** » Thu Apr 28, 2005 6:42 pm

jate hi un ke chal diye sabr-o-qarar-o-hosh
jab tak wo samne rahay, mehfil jami rahii
najma
jab/rahii

Post by **Hashmat Usmani** » Thu Apr 28, 2005 8:14 pm

jab bhii aatii hai terii yaad kabhii shaam ke ba'd
aur baRh jaatii hai afsurda_dilii shaam ke ba'd

Krishn "Adeeb"

AUR / BA'D

Post by **najma** » Thu Apr 28, 2005 8:29 pm

aur baRh jaeygii khalish dil ki
maut bhi aagaee to kya hoga
najma

Post by **Hashmat Usmani** » Thu Apr 28, 2005 8:59 pm

maut ik giit raat gaatii thii
zindagii jhuum_jhuum jaatii thii

Firaaq Gorakhpuri

ZINDAGI / THI

Post by **najma** » Thu Apr 28, 2005 10:25 pm

zindagi meiN ham ne NAJMA is-qadar khaey fareb
har qadam par rah-zanoN ko rah-numa kehte rahay
najma

har/rahay

Post by **Hashmat Usmani** » Fri Apr 29, 2005 12:39 am

najma wrote:zindagi meiN ham ne NAJMA is-qadar khaey fareb
har qadam par rah-zanoN ko rah-numa kehte rahay
najma

har/rahay

waah Hamsheerah saaHiba, waah...bahot Khoob_soorat she'r kahaa aapne.

har baar maaNgtii hai nayaa chashm-e-yaar dil
ik dil ke kis taraH se banaauuN hazaar dil

DaaGh Dehlavii

IK / DIL

Post by **najma** » Fri Apr 29, 2005 12:45 am

ik din kisi mak,khii se ye keehne laga makRa
is raah se hota hay guzar roz tumhara
lekin miri kiTya ki na jaagi kabhi qismat
bhoole se kabhi tum ne yahaaN paaoN na rak,kha

bhoole/ rak,kha

Post by **Hashmat Usmani** » Fri Apr 29, 2005 1:25 am

bhulaa do! ranj kii baatoN meN kia hai!
idhar dekho! merii aaNkhoN meN kia hai

Shaan-ul-Haq "Haqqi"

IDHAR / HAI

Post by **najma** » Fri Apr 29, 2005 2:04 am

maiN ne dil ka diya jalaya hay
zakhm-e-eh,saas rang laya hay
najma

zakhm/hay

Abdullah Nazir · Post by **Abdullah Nazir** » Fri Apr 29, 2005 3:20 am

[size18]

zakhm jou tum ne diye heiN wo bataaooN kaise

Aag jou dil meiN lagaayii hei bujhaaooN kaise.

nazir.
[/size]

Post by **najma** » Fri Apr 29, 2005 7:51 am

sara_j wrote:zakhm agar mehdood badan tak hou tou koii baat nahiN

baat bigaRjaati hei, jab wo rooH ko bhii majrooH kare

baat karne ka faaida najma?
baat karne se baat jaatii hay
najma
baat/hay

Post by **Hashmat Usmani** » Sat Apr 30, 2005 4:18 am

jaisi mujh par hai paRii vaisi kisii par na paRe
yeh vohii jaane paRe jis pe hai, yaa Khudaa jaane

Hashmat usmani

YEH / JAANE

Post by **najma** » Sat Apr 30, 2005 11:28 am

jane kin lafzoN meiN tajdeed-e-mohabbat ki thii
us ki takmeel labhi saamne aa bhi na sakii
najma

us/sakii

Sher ke doosre misre ke pehle/aakhri alfaaz se sher kahiye!

'zakhm"