Lafz par Ashaar#7--" MAUSAM"

Post by **Hashmat Usmani** » Wed Apr 27, 2005 9:22 pm

inhiiN Khush_gumaaniyoN meN kahiiN jaaN se bhii na jaao
vo jo chaarah_gar nahiiN hai use zaKhm kiuN dhikhaao

AHmad Faraaz

Post by **najma** » Wed Apr 27, 2005 10:49 pm

zard mausam ko na raas aayee, bahaaroN ki dua
abr aaye bhi to sailaab ki soorat aaye

Post by **Hashmat Usmani** » Wed Apr 27, 2005 11:33 pm

jab se pahnaa hai naye mausam ne zaKhmoN kaa libaas
phuul se khilne lage haiN diidaa-e-KhuunNaab meN

Prem warbarToni

Post by **najma** » Thu Apr 28, 2005 12:13 am

noch le shaakh-e-shajar ka pair,han jis dam khizaaN
mausamoN ki phir siyasat meiN aTak jaatii hay shaakh
najma

Post by **Hashmat Usmani** » Thu Apr 28, 2005 1:45 am

achchhaa saa koii mausam, tanhaa saa koii 'aalam
har waqt kaa ronaa to be_kaar kaa ronaa hai

Nidaa Faazlii

Post by **najma** » Thu Apr 28, 2005 2:14 am

ummeed ke sehraa pe kaRii dhoop ka saya
goya keh mire ghar meiN GhamoN se bhi khushii hay
khawar qureshi

Post by **Hashmat Usmani** » Thu Apr 28, 2005 2:25 am

na mere zaKhm khile haiN, na teraa rang-e-Hinaa
mausam aaye hii nahii.n ab ke gulaabo.n vaale

AHmad Faraaz

Post by **najma** » Thu Apr 28, 2005 2:27 am

pehle ye soch lena mausim hay barishoN ka
bahar qadam na rakhna tum is andherii shab meiN
khawar qureshi

Post by **Hashmat Usmani** » Thu Apr 28, 2005 2:42 am

kaun batlaaye tumheN kaise vo mausam haiN k jo
mujh se hii duur raheN, mujh meN hii baste jaayeN

Ummeed Faazlii

Post by **najma** » Thu Apr 28, 2005 2:52 am

kis raah me hay mausim-e-gul, dhoond ke laaao
zakhmoN se mire hogii mudaaraat kahaaN tak
najma

Post by **Hashmat Usmani** » Thu Apr 28, 2005 3:00 am

bahaar aaye, chalii jaaye, phir chalii aaye
magar, yeh dard kaa mausam nahiiN badalne kaa

JaaN Nisaar "AKhtar"

Post by **syed bilal armaan** » Thu Apr 28, 2005 9:42 am

beeta deed ummeed ka mausam, Khaak uRti hai aaNkhoN meiN
kab bhejo ge dard ka baadal, kab barkha barsaao ge?

Post by **Hashmat Usmani** » Thu Apr 28, 2005 10:28 am

chaak-e-jigar muhataaj-e-rafuu hai aaj to daaman sirf lahuu hai
ek mausam thaa ham ko rahaa hai shauq-e-bahaaraa.N tumase ziyaadaa

MajrooH Sultaanpuri

Post by **najma** » Thu Apr 28, 2005 2:00 pm

baarish huee to phooloN ke tan chaak ho gaey
mausim ke haath bheeg ke saffaak ho gaey
p.shakir

Post by **Hashmat Usmani** » Thu Apr 28, 2005 2:09 pm

waqt guzraa hai par mausam nahiiN badlaa, yaaro!
aisii gardish hai zamiiN Khud bhii duhaaii degii

Anwar Masood