Sher ke doosre misre ke pehle/aakhri alfaaz se sher kahiye!

Post by **Hashmat Usmani** » Tue May 03, 2005 1:01 pm

aate_aate meraa naam saa rah gayaa
us ke hoNToN pe kuchh kaaNptaa rah gayaa

Waseem Barelvii
US / GAYAA

Post by **najma** » Tue May 03, 2005 7:42 pm

is tarha zamana mira dam-saz hua tha
acha na laga main, to bura kehne lage log
khawar qureshi

Post by **Hashmat Usmani** » Wed May 04, 2005 2:49 am

najma wrote:is tarha zamana mira dam-saz hua tha
acha na laga main, to bura kehne lage log
khawar qureshi

lagtaa hai aapse chhoTii sii chook ho gaii...aapko lafz-e-"US" se she'r denaa thaa na ki lafz-e-"IS" se.

achchhaa! jo Khafaa ham se ho tum, ai sanam! achchhaa!!
lo ham bhii na boleNge, Khudaa kii qasam! achchhaa!!

Inshaa~ Ullah KhaN "Inshaa~"
LO / ACHCHHAA

Post by **najma** » Wed May 04, 2005 10:45 am

sara_j wrote:Achchaa Hai Ke Tum Bhi Mohobbat Karne Lage Magar

Sunaane Ki Nahi Janaab! Sunne Ki Aadat Daalo.

Faiz Ahmed Faiz

sara jee!

ye aap ke liye fil-badee, arz kya hay

sunane ko bohat kuch ham sunaa deN
tumheN sun,ne ki fursat hi kahaN hay
najma

tumheN/hay

Post by **Hashmat Usmani** » Wed May 04, 2005 11:16 am

najma wrote:
sara_j wrote:Achchaa Hai Ke Tum Bhi Mohobbat Karne Lage Magar
Sunaane Ki Nahi Janaab! Sunne Ki Aadat Daalo.

Faiz Ahmed Faiz
sara jee!
ye aap ke liye fil-badee, arz kya hay

sunane ko bohat kuch ham sunaa deN
tumheN sun,ne ki fursat hi kahaN hay
najma

tumheN/hay

hmmm...fil_badeeh, merii jaanib se bhii ek hojaaye to muzaaiqa kia hogaa...agar bardaasht ke sakeN to, 'arz hai:

hai tumheN sunne_sunaane kii hii 'aadat to, suno!
hamah_tan_gosh haiN ham, phir hamko sunaao tum

Hashmat Usmani
HAMAH / TUM

Post by **najma** » Wed May 04, 2005 11:23 am

bohat khoob!

tum ko khursheed-e-jahaaN-taab dikhaaee dega
chehra-e-zeest se sarkeb gii jo shab kii chadar

chehra/chadar

Post by **Hashmat Usmani** » Wed May 04, 2005 11:31 am

chehra meraa thaa, nigaaheN uskii
Khaamoshii meN bhii vo baateN us kii

Parveen shaakir
Khaamoshii / KII

Post by **najma** » Wed May 04, 2005 11:39 am

khaam,shii bhi zabaan hoti hay
dard, ban jaey dil ki jab dhaRkan
najma

dard/dhaRkan

Post by **Hashmat Usmani** » Wed May 04, 2005 12:27 pm

dard baRh kar foGhaaN na ho jaaye
yeh zamiiN aasmaaN na ho jaaye

Jigar Moradabadi
YEH / JAAYE

Post by **najma** » Wed May 04, 2005 7:59 pm

jaa tujhe choR diya peer-e-muGhaaN ne khawar!
ye samajh kar, keh kharabaat pe kuch bas to naheeN

Post by **Hashmat Usmani** » Wed May 04, 2005 9:44 pm

yeh aarzuu thii tujhe gul ke ruu_ba_ruu karte
ham aur bulbul-e-be_taab guftuguu karte

Haidar Ali "Aatish"
HAM / KARTE

Post by **najma** » Wed May 04, 2005 9:53 pm

karte rahay jo chaand sitaroN ki guftguu
insaaN ki aabruu ke nigehbaaN na ho sake
najma

insaaN/ho sake

Post by **najma** » Thu May 05, 2005 9:53 am

hay shor wo har samt, keh mehfil pr giraaN hay
saqi se musalsal gila-e-tishna-labaaN hay
khawar

saqi/hay

Post by **Hashmat Usmani** » Thu May 05, 2005 10:46 am

saaqii kii har nigaah pe bal khaa ke pii gayaa
laharo.n se khelataa huaa laharaa ke pii gayaa

Jigar Moradabadi

Post by **Hashmat Usmani** » Thu May 05, 2005 10:55 am

saaqii kii har nigaah pe bal khaa ke pii gayaa
lahroN se kheltaa huaa, lahraa ke pii gayaa

Jigar Moradabadi