is HAFTE kaa lafz hai ... "RAAT yaa SHAB" par ash'

[najma]

noor-e-sahar ka daman-e-shab rang dekh kar
aankheN bhar aaeeN saghar-e-khooN,naab ki tarah
bakhsh

[Hashmat Usmani]

aur koii dam kii hai mehmaaN, guzar jaayegii raat
Dhalte_Dhalte aap apnii maut mar jaayegii raat

Suroor Baarabankawii

[najma]

shab-e-siyaah meiN roshan khayal mera tha
maiN kuch naheeN tha magar ye kamal mera tha
bakhsh

[Hashmat Usmani]

dhuaaN uThaa thaa divaane ke jalte ghar se saarii raat
lekin, vo Khaamosh rahaa, duniyaa ke Dar se saarii raat

Shamiim Shahaabaadi

[najma]

shigaaf paR gaey haiN ab nazar ke rozan meiN
khuda hi jane ke akab ikhtitaam-e-shab hoga
bakhsh

[Hashmat Usmani]

dil hai aaiina-e-Hairat se do_chaar aaj kii raat
Gham-e-dauraaN meN hai 'aks-e-Gham-e-yaar aaj kii raat

Abid Ali "Abid"

[najma]

lahuu ke deep jalao,siyaah raat kate
bujhi bujhi hay yahaaN mehfil-e-tarab kab se

[Abdullah Nazir]

ba-waqt-e-vaSl-e-shab unki jafaa kuch aur kehtii hei

bikhar jaatii hei jab zulf-e-dotaa kuch aur kehtii hei.


Nazir.

[najma]

chaand kya cheez hay, sooraj bhi nikal aeyga
zulmat-e-shab meiN lahuu dil ka jalaey rakhna
bakhsh

[Abdullah Nazir]

kaTii hei umr-e-ravaaN be-charaagh shab kii taraH

magar andher nah nah thaa zindagii meiN ab kii TaraH.


Nazir.

[najma]

shab guzeedah soorajoN se raushni milti naheeN
dhoondiye jugnuu koee apne makanoN ke liye
bakhsh

[Abdullah Nazir]

chaand kii kaunsi shab apnaa milan mumkin hei

tum nah boulou nah sahii, chaandni boule tou sahii.


Nazir.

[najma]

manaa hisaar-e-shab abhi TooTaa naheeN tamaam
lekin namood-e-sub,h ke aacaar to huey
bakhsh

[Abdullah Nazir]

Gou bazaahir jee rahaa hooN micl-e-shamA-e-bazm-e-shab

saans bhii merii wagarnah hei paraayii dekhiye.


Nazir.

[najma]

raushan rahega kirmak-e-shab,taab ki tarah
lauh-e-waraq pe jo mira harf-e-sabaat hay
bakhsh