Shair ka jawab shair main dejeye

Post by **najma** » Wed May 04, 2005 10:42 am

khaa gaee kis ki nazar, raas jo ayaa na shabaab
chaudhweeN raat meiN logo! hay mira doobaa chaand
najma

Post by **Hashmat Usmani** » Wed May 04, 2005 12:53 pm

kal chaudhaviiN kii raat thii, shab bhar rahaa charcha tiraa
kuchh ne kahaa yeh chaand hai, kuchh ne kahaa chehraa tiraa

Ibn-e-Inshaa~

Post by **najma** » Wed May 04, 2005 7:44 pm

mohatt ka hi zajba hay jo khaliq se milaata hay
mohabbat hi ke jazbe se bashar me,raaj paataa hay
rabia siddiqui sham,a

Post by **najma** » Thu May 05, 2005 9:49 am

zindagi ka saaj bhi kya saaz hay
baj raha hay aur be-aawaaz hay

Abdullah Nazir · Post by **Abdullah Nazir** » Thu May 05, 2005 10:34 am

baada-e-ulfat samajh kar zehr-e-gham peete rahe

jaam ik khaalii houaa tou doosraa jaam aagayaa.

Nazir.

Post by **najma** » Thu May 05, 2005 11:18 am

ham bhool jaeiN zeest ke har ik malaal ko
kuch aisee hsaiy pilao,tabee,at udaas hay
najma

Post by **Hashmat Usmani** » Thu May 05, 2005 11:47 am

saaqii kii har nigaah pe bal khaa ke pii gayaa
lahroN se kheltaa huaa, lahraa ke pii gayaa

Jigar Moradabadi

Abdullah Nazir · Post by **Abdullah Nazir** » Thu May 05, 2005 11:47 am

"pilaa her aek ko her aek per navaazish kar

magar yeh sharT hei pahle mujhe pilaa ke pilaa"

Sahibzadah Maikash Hyderabadi

Nazir.

Post by **najma** » Thu May 05, 2005 5:57 pm

peena haram hay, napilana haram hay
peene ke ba,d hosh meiN aana haram hay

Abdullah Nazir · Post by **Abdullah Nazir** » Thu May 05, 2005 7:08 pm

"jaam-e-mai taubah shikan, taubah miri jaam shikan

saamne Dher heiN TooTe houe paimaanaoN ke"

Riaz Khairaabaadi

Nazir.

Post by **najma** » Thu May 05, 2005 8:55 pm

phir na dekha laut kar ham ne :nafis:
toR kar mehfil se nikle jab sabuu
nafis ahmad siddiqui

Abdullah Nazir · Post by **Abdullah Nazir** » Thu May 05, 2005 9:37 pm

de chuke dil kii amaanat, jaan kaa nazraanah ham

chouRkar jaayeN kahaaN saaqii tiraa maikhaanah ham.

Nazir.

Nazir.

Post by **najma** » Thu May 05, 2005 10:17 pm

khumm to ghairoN ko mileN, apnoN ko paimanoN meiN
kesa insaaf hay saqi! tire mai-khanoN meiN
najma

Abdullah Nazir · Post by **Abdullah Nazir** » Thu May 05, 2005 10:56 pm

khud pah hans letaa hooN Nazir chand lamhaoN ke liye

jab chalak jaati hei sehbaay-e-tamanna jaam se.

Nazir.

..................................................

Post by **najma** » Thu May 05, 2005 11:01 pm

haNgama hay kyuuN barpaa, thoRii sii jo pii lii hay
dakaa to naheeN Daala, chorii to naheeN kii hay

Shair ka jawab shair main dejeye

javab

javab

javaab

Javaab

javaab