darvaaza band paa kar vaapas na lauT jaayeN...taazah Ghazal

Kuhnah mashq ShoAraa kaa kalaam jo beHr meiN hounaa zaroori hei

Moderator: Muzaffar Ahmad Muzaffar

Post Reply
Hashmat Usmani
-
-
Posts: 1173
Joined: Wed Dec 08, 2004 1:00 pm
Location: Kitchener, Ontario, Canada
Contact:
Contact Hashmat Usmani

darvaaza band paa kar vaapas na lauT jaayeN...taazah Ghazal

Post by Hashmat Usmani »

salaam dosto,

aapkii Khidmat meN yeh Ghazal le kar Haazir huaa huuN is ummeed e qawii ki saath ki yeh aapkii tab'a-e-naazuk par baar-e-giraaN na hogii. aapkii aaraa kaa shiddat se intezaar rahegaa jo mere liye islaah, masarrat aur Hasalah_afzaaii kaa sabab hogii. shukria.

Hashmat

1.
yeh dastakoN pe dastak detii huii hawaayeN
darvaaza band paa kar vaapa na lauT jaayeN

2.
jangal kii aag ne to ik naKhl bhii na chhoRaa
KhaaboN kaa aashiyaaN ham kis shaaKh par sajaayeN

3.
itnaa bhii kam nahiiN hai Ghurbat kii zindagii meN
jin se bichhaR chuke haiN chehre vo yaad aayeN

4.
nikle to haiN makaaN se baahar, magar yeh Dar hai
chehroN kii bheeR meN ham gum ho ke rah na jaayeN

5.
jitne bhii saanHe the ham par guzar chukeN haiN
apne safar kaa, Yaaro! aHvaal kiaa sunaayeN

6.
itraate phir rahe haiN jo dosh par hawaa ke
tinke vo aasmaN ko chhoo kar zaraa dikhaayeN!

7.
mil jaaye qarz, "Sai'hbaa!" ham ko agar kahiiN se
chhoTaa saa ik makaaN ham is shahr meN banaayeN
Image
Top
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

Bahut khoob waah waah

Post by Abdullah Nazir »



MuHtarami SaiHbaa Saahib,

Purkhuloos Tasleemaat,

Aapkii taazah ghazal ke saare ke saare ashAar bahut pasand aaye. Khaksaar kii daad aur mubaarakbaad qubool farmaayiye.


Nazir.
Image
Top
Sarwar A. Raz
-
-
Posts: 518
Joined: Sat Jan 01, 2005 3:18 pm
Location: Fort Worth, Texas
Contact:
Contact Sarwar A. Raz

Post by Sarwar A. Raz »

muHibbee Hashmat "Sai'hbaa" SaaHeb: aadaab!

aap kee Ghazal dekh` kar bohat Khushee huyee. zameen aur beHr donoN hee shiguftah haiN aur aap ne achh`e asha'ar nikaale haiN! meree daad HaaZ^ir hai. qubool keejiYe.
-----------------------------
1.
yeh dastakoN pe dastak detii huii hawaayeN
darvaaza band paa kar vaapas na lauT jaayeN

waah! Khoob kahaa hai! daad!!
-----------------------------
2.
jangal kii aag ne to ik naKhl bhii na chhoRaa
KhaaboN kaa aashiyaaN ham kis shaaKh par sajaayeN

is she'r ko agar aap ph`ir se dekh` leN to harj naheeN hai. "naKhl" ke ma'nee "paudaa" (plant) ke haiN. is ko :ch`oTe peR: ke liYe bh`ee likh` sakte haiN aur :palm tree: ke liYe bh`ee (isee se :naKhlistaan: banaa hai). mushkil yeh hai keh :paudeh: par aashiyaanah naheeN banaayaa jaa saktaa hai aur :palm tree: kee shaaKheN naheeN hotee haiN! mazeed yeh keh :KhwaaboN ke aashiyaaneh: ke liYe :Khwaabee: daraKht kaafee hai. bh`alaa us ko :aSlee: daraKht kee kyaa Z^aroorat hai? goyaa she'r kaa mat^lab :Ghair-waaZ^eh: ho gayaa hai. yaa maiN Ghalat^ samajh` rahaa hooN?
----------------------------
3.
{itnaa bhii kam nahiiN hai} { Ghurbat kii zindagii meN}
jin se bichhaR chuke haiN chehre vo yaad aayeN

she'r achh`aa hai aur hamaaree zindagee ke alamiyeh ko bayaan kar rahaa hai. {---} meN diYe huwe tukRoN ko :adal-badal: kar ke dekh` leN to harj naheeN hai.
----------------------------------
4.
nikle to haiN makaaN se baahar, magar yeh Dar hai
chehroN kii bheeR meN ham gum ho ke rah na jaayeN

5.
jitne bhii saanHe the ham par guzar chukeN haiN
apne safar kaa, Yaaro! aHvaal kiaa sunaayeN

6.
itraate phir rahe haiN jo dosh par hawaa ke
tinke vo aasmaN ko chhoo kar zaraa dikhaayeN!

7.
mil jaaye qarz, "Sai'hbaa!" ham ko agar kahiiN se
chhoTaa saa ik makaaN ham is shahr meN banaayeN
---------------------------------------
ek kaamyaab Ghazal par mubaarakbaad!

Sarwar A. Raz "Sarwar"
yooN aur bohat a'ib haiN :Sarwar: meN wa-lekin
kambaKht muHabbat meN to yaktaa nazar aayaa

Sarwar A. Raz :Sarwar:
Top
Star Mind
-
-
Posts: 365
Joined: Sat Dec 11, 2004 11:39 pm
Location: Balochistan
Contact:
Contact Star Mind

Post by Star Mind »

moHtaram janaab Hashmat U'smaani SaaHib, aadaab

aap ki GhazleN hamesha laa-jawaab hoti haiN , aur qaari ke zihn-o-dil par be-iKhtiyaar chhaa jaati haiN , ye Ghazal bhi aap ki fanni maaharat ka moNh boltaa suboot hai , mujhe tamaam ash'aar hi pasand aaye haiN , is lye kesi aek ko maKhSooS nahiN kar rahaa . meri jaanbi se is behtareen taKhleeq par DheroN daad qabool kejeye . shukriya

moKhliS : Zia Baloch
Dikhaadi shaan, phir ahl-e-chaman ko, Be-niyaazi ki

Khamoshi se jhatak kar, aaj phir, dast-e-sabaa maiN ne

Zia Baloch
Top
User avatar
khozema husaini
-
-
Posts: 150
Joined: Thu Dec 30, 2004 1:37 pm
Contact:
Contact khozema husaini

Post by khozema husaini »

mohtaram Hashmat saheb
aadaab

aap ko is khoobsoorat ghazal ke liye dili daad pesh karta hoon qubool farmayeN

Husaini
hum husaini duAa ki deN soGHaat
laakh chahay bura karay koee

husaini
Top
User avatar
Anmol
-
-
Posts: 139
Joined: Sat Dec 11, 2004 9:32 pm
Location: California
Contact:
Contact Anmol

Re: darvaaza band paa kar vaapas na lauT jaayeN...taazah Gha

Post by Anmol »

Hashmat Usmani wrote: 1.
2.
jangal kii aag ne to ik naKhl bhii na chhoRaa
KhaaboN kaa aashiyaaN ham kis shaaKh par sajaayeN

5.
jitne bhii saanHe the ham par guzar chukeN haiN
apne safar kaa, Yaaro! aHvaal kiaa sunaayeN

6.
itraate phir rahe haiN jo dosh par hawaa ke
tinke vo aasmaN ko chhoo kar zaraa dikhaayeN!
Adaab, Hashmat Sahib!

Aap ka kalaam Stanvir mushaira per sunti huN aur pasand aata hay, aur aap ki ye ghazal bhi bohot achi hay, daad qubool kijiye.

:-)
Top
irfan abid
-
-
Posts: 98
Joined: Fri Dec 31, 2004 1:57 am

Post by irfan abid »

Usmani Sb, aadaab!

bhaaii, aap Ghazal post kar ke kahaaN Ghaayab ho gaye? leejiye, merii jaanib se bhii daad hazir hai! :-)

niyaazmand,
Irfan :Abid:
Top
Post Reply

Return to “Kalaam-e-Sukhanwar”