Sher ke doosre misre ke pehle/aakhri alfaaz se sher kahiye!

Post by **najma** » Tue May 10, 2005 2:53 am

haey, kis kis ka tuu khudaa hoga
itne eemaan le liye zalim!
majma

Abdullah Nazir · Post by **Abdullah Nazir** » Fri May 13, 2005 5:05 am

souchtaa hooN ke ilaaj-e-gham-e-tanhaayi tou hou

jaane kab tujh se mulaaqaat hou aur dil behle.

jaane / behle

Nazir.
[/color

Post by **Hashmat Usmani** » Fri May 13, 2005 5:40 am

ham dahr ke is viiraane meN jo kuchh bhii nazaara karate haiN
ashkoN kii zabaaN meN kahte haiN, aahoN se ishaara karte haiN

Moin AHsan "Jazbi"
ASHKON / HAIN

Post by **najma** » Fri May 13, 2005 2:00 pm

ashkoN ne dil ki baat zamane meiN aam kii
afsos, ghar ki baat , kahaaN tak chalii gaee
nafis ahmad siddiqui

Post by **Hashmat Usmani** » Sun May 15, 2005 5:13 am

gaii vo baat k ho guftuguu to kiuN_kar ho
kahe se kuchh na huaa, phir kaho! to kiuN_kar ho

Chachaa
KAHE / HO

Post by **najma** » Sun May 15, 2005 10:48 am

haaey , wo ehd-e-jawanii, wo shabaab
ab kahaaN sehn-e-chaman meiN rang-o-boo
nafis ahmad siddiqui
ab/boo

Post by **najma** » Sun May 15, 2005 2:02 pm

chalo acha hua tum bhool gaey
ik bhool hi tha miara pyar

ik/pyaar

Post by **Hashmat Usmani** » Mon May 16, 2005 1:41 am

ik 'aalam-e-Hairat hai, fanaa hai na baqaa hai
Hairat bhii yeh hai k kia jaaniye kia hai

AsGhar GonDvii
HAIRAT / HAI

Post by **najma** » Mon May 16, 2005 3:06 am

hay waqt ka ye taqaza k ham kalam kareN
shi,aar-e-khamushii aiy hamdamo! Ghazab hoga

shi,aar/hoga

Post by **Hashmat Usmani** » Mon May 16, 2005 4:48 am

ho ga phir parbat saa, pighlanaa chaahiye
is himaalay se koii daryaa nikalnaa chaahiye

Dushyant Kumar
IS / CHAAHIYE

Post by **najma** » Mon May 16, 2005 9:24 am

is tarah sheesha-e-dil TooT ke bukhra hay mira
maiN ne chaahaa keh uThaalooN, to uThaa bhi na sakii
najma

Post by **Hashmat Usmani** » Mon May 16, 2005 11:51 pm

yahaaN se ab kahiiN le chal Khayaal-e-yaar mujhe
chaman meN raas na aayegii yeh bahaar mujhe

Aziiz Waarsii
CHAMAN / MUJHE

Post by **najma** » Tue May 17, 2005 11:00 am

sara_j wrote:
najma wrote:is tarah sheesha-e-dil TooT ke bukhra hay mira
maiN ne chaahaa keh uThaalooN, to uThaa bhi na sakii
najma
(waah!)

main bhuul jaauuN ab yahii munaasib hai
magar bhuulanaa bhii chaahuuN to kis tarah bhuuluuN
ki tum to phir bhii haqiiqat ho koii Khvaab nahiin
yahaaN to dil kaa ye aalam hai kyaa kahuuN

yahaaN / kahuuN

bohat shukriya sara j

Post by **najma** » Tue May 17, 2005 11:05 am

sara_j wrote:chaman roye hanse shabnam biyaabaaN par nikhaar aaye

ek aisaa bhii nayaa mausam mere parvar-digaar aaye

ek / aaye

ek maiN hooN ek meri be-kasi ki shaam hay
ab to tujhbin zindagii bhi mujh pe ik ilzaam hay
ab/hay

Post by **Hashmat Usmani** » Wed May 18, 2005 4:36 am

hai bas k har ik unke ishaare meN nishaaN aur
karte haiN moHabbat to guzartaa hai gumaaN aur

Chachaa
KARTE / AUR