Shair ka jawab shair main dejeye

Post by **najma** » Fri May 13, 2005 12:30 am

qareeb-e-chahm hay har ek manzar
har ik chehra yahaaN, chehra-numa hay
najma

Abdullah Nazir · Post by **Abdullah Nazir** » Fri May 13, 2005 12:51 am

mulammaA kiyooN chaRhaaleti hei dunyaa apne chereh per

Haqeeqat aur houti hei, numaayish aur houtii hei.

Nazir.

Post by **najma** » Fri May 13, 2005 1:19 am

naee tehzeeb ke khush-fehm khudawandoN ne
ik naya hashr ba-har-gaam bapaa rak,kha hay
najma

Abdullah Nazir · Post by **Abdullah Nazir** » Fri May 13, 2005 1:52 am

rooH farsaa hei bahut shoAbada-e-ahl-e-jahaaN

Meri aankhaoN ko zaroorat nahiN beenaayii kii.

Nazir.

Post by **najma** » Fri May 13, 2005 5:15 pm

zindagii ka qarz to ik-din ada hojaeyga
rooh ka wa,da bhi kya is se wafa ho jaeyga?
najma

Post by **najma** » Sat May 14, 2005 12:56 am

sara_j wrote:kaun jaane kis Taraf le jaayegaa apnaa Amal

muTma'in heiN ham keh jou hounaa hei wo houjaayegaa.

A. Nazir

ham isii ummeed pe sehte rahay dunyaa ke Gham
aadamii ik-din mohabbat-aashna hojaeyga
najma

Abdullah Nazir · Post by **Abdullah Nazir** » Sat May 14, 2005 2:56 am

Dil liyaa jis ne usii ko hei taghaaful kaa gilah

gar yehi Haalat rahii tou jaane kyaa houjaayega.

Nazir.

Post by **najma** » Sat May 14, 2005 8:26 am

jur,at-e-naGhma na kar, sheeshah-garoN kesheh,r meiN
yaaN tira naGhma bhi pat,thar ki sadaa hojaeyga
najma

Post by **Hashmat Usmani** » Sun May 15, 2005 5:09 am

patthar ke jigar_vaalo! Gham meN vo ravaanii hai
Khud raah banaa legaa bahtaa huaa paanii hai

Basheer Badr

Post by **najma** » Sun May 15, 2005 10:50 am

maiN to daryaa hooN, baehtii chalii jaooNgii
rok saktay ho to rok lo shauq say
najma

Abdullah Nazir · Post by **Abdullah Nazir** » Sun May 15, 2005 4:40 pm

MaiN woh qulzum hooN ke detaa hooN sahaaraa sab ko

khauf kis baat kaa daryaa kii ravaani se mujhe.

Nazir.

Post by **najma** » Sun May 15, 2005 11:57 pm

hare bhare ye samandur dhuwaaN dhuwaaN hongay
kinaar-e-dasht meiN jab koee jaaN-ba-lab hoga

Post by **Hashmat Usmani** » Mon May 16, 2005 1:31 am

har tamaashaaii faqat saaHil se manzar dekhtaa
kaun dariyaa ko ulaTtaa, kaun gauhar dekhtaa

AHMad Faraaz

Post by **najma** » Mon May 16, 2005 3:08 am

ja-ba-jaa seepiyaaN saahil pe na bikhrii hoteeN
apne aape meiN jo be-taab samandar hote
najma

Post by **Hashmat Usmani** » Mon May 16, 2005 4:43 am

zindagii ke mele meN
KhowaahishoN ke rele meN
tum se kia kaheN jaanaaN
is qadar jhamele meN
waqt kii ravaanii hai
baKht kii giraanii hai
saKht be_zamiinii hai
saKht laa_makaanii hai
hijr ke samandar meN
taKht aur taKhte kii
ek hii kahaanii hai
tum ko jo sunaanii hai

Amjad Islam "Amjad"

Shair ka jawab shair main dejeye

javaab

javaab

javaab

javaab