Tarhee Ghazal (Guzarish # 5)..................

Tarhi Moshaairah -ShoAaraa aur Shayeraat kii TabAaazmayi ke liye

Moderator: Muzaffar Ahmad Muzaffar

Post Reply
jawaid badauni
-
-
Posts: 810
Joined: Sat Jan 01, 2005 5:38 am
Contact:

Tarhee Ghazal (Guzarish # 5)..................

Post by jawaid badauni »

Ghazal

Aap ka ghar hai yeh dil aisa kareN
Har nafas aaya kareN jaya kareN

Qadr kije ya nah kije pyar ki
Iss ko sikkoN meN to nah tola kareN

Shauq se becheN zameer apna magar
Aap saaste meN na yeh sauda kareN

Jo bhi Gham deNge khooshi ban jaayega
Shart yeh hai pyar se baKhsha kareN

Hum bhala kar ke bhi kahlaye boore
"Tum hi batlaao keh ab hum kya kareN"

Yeh zameN kya hai falak hil jayeNge
Bum nihattoN per nah barsaya kareN

Dil ko hai marGhoob "Jawaid" intezar
Oon se kahdo der se aaya kareN
---------------------------------------------

Jawaid Badauni
Muscat - Oman
Star Mind
-
-
Posts: 365
Joined: Sat Dec 11, 2004 11:39 pm
Location: Balochistan
Contact:

Post by Star Mind »

moHtaram Jawaid Badauni SaaHib, aadaab :)

umeed hai k aap ka safar mubaarak rahaa hogaa :)

ham aap ko Khush-aamadeed kehte haiN :)

aap ki ye munfarid Ghazal nehaayat pasand aayee , aap ka maKhSooS raNg ki a'kaas Ghazal hai , meeri jaanib se DheroN daad qabool kejeye . shukriya :)

moKhliS : Zia Baloch
Dikhaadi shaan, phir ahl-e-chaman ko, Be-niyaazi ki

Khamoshi se jhatak kar, aaj phir, dast-e-sabaa maiN ne

Zia Baloch
najma
-
-
Posts: 1213
Joined: Fri Feb 04, 2005 10:37 pm

Post by najma »

j.badauni sahib!
assalam-o-alaikum

itne haseen aur murass,a kalam par hamari janib se bhar-pur daad qubuul farmaiye, j.badauni sahib!

aap se ek guzarish bhi hay keh ''mushairah''-''kalam-e-sukhanwar'' aur khusoosi taur pe ''afkar-e-nau'' meiN aap jese rah-nimaaoN ki kamii mehsoos kii jatii hay.agar aap apna qeematii waqt yahaaN bhi inayat farmaeiN to ham jese nau-mashqoN ki bhi hausla afzaae hogii.
:-)
khair andesh
najma[/quote]
Last edited by najma on Sat May 14, 2005 8:52 am, edited 1 time in total.
jawaid badauni
-
-
Posts: 810
Joined: Sat Jan 01, 2005 5:38 am
Contact:

Post by jawaid badauni »

najma wrote:j.badauni sahib!
assalam-o-alaikum

itne haseen aur murass,a kalam par hamari janib se bhar-pur daad qubuul farmaiye, j.badauni sahib!

aap se ek guzarish bhi hay keh ''mushairah''-''kalam-e-sukhanwar'' aur khusoosi taur pe ''afkar-e-nau'' meiN aap jese rah-nimaaoN ki kamii mehsoos kii jatii hay.agar aap apna qeematii waqt yahaaN bhi inayat farmaeiN to ham jese nau-mashqoN ki bhi hausla afzaae hogii.
:-)
khair andesh
najma
[/quote]

Najma Sahibah,
Khoosh RaheN

Ghazal bahut sada.O.muKhtasar thee phir bhi aap ne iss qadar pazeeraii farmaii, aapka marhoone minnat hooN.

MaiN Khood tifl-e maktab hooN kisee ki rahnumaii kya karooNga. Waise maiN unn forums meN jata rahta hooN jinka aapne zikr kiya hai.

Aap mujhe J. Badauni ki jagah Jawaid Bhai kah kar muKhatib kareNgee to mereliye ziyada baayis-e masarrat hoga. Deegar sites per bhi Khawateen mujhe isee tarah muKhatiob kartee haiN.

Wassalaam Wa Khair Talab,

Jawaid Badauni
jawaid badauni
-
-
Posts: 810
Joined: Sat Jan 01, 2005 5:38 am
Contact:

Post by jawaid badauni »

Star Mind wrote:moHtaram Jawaid Badauni SaaHib, aadaab :)

umeed hai k aap ka safar mubaarak rahaa hogaa :)

ham aap ko Khush-aamadeed kehte haiN :)

aap ki ye munfarid Ghazal nehaayat pasand aayee , aap ka maKhSooS raNg ki a'kaas Ghazal hai , meeri jaanib se DheroN daad qabool kejeye . shukriya :)

moKhliS : Zia Baloch
Azeezi Zia Sahab,

Ghazal ki pazeeraii ke liye shukriya. MaiN apni salana ruKhsat ke sabab aap ke sauti Mushaireh meN bhi hissa nahiN le saka tha. Aainda zaroor haziri lagaooNga.

Iss misra-e tarah meN mujhe aap ki Ghazal bhi bahut pasand aaii. Zindabad.

Khair Andesh,

Jawaid Badauni
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:

Bahut khoob waah waah

Post by Abdullah Nazir »


MuHtarami
Jawaid Badayuni Saahib,


Purkhuloos Tasleemaat,


Guzarish No.6 ke TaraHi misreA per aapki ghazal beHad pasand aayii. Saare ke saare ashAar bahut dilkash heiN.

Meri daad aur mubaarakbaad qubool farmaayiye.


Nazir.

Image
jawaid badauni
-
-
Posts: 810
Joined: Sat Jan 01, 2005 5:38 am
Contact:

Re: Bahut khoob waah waah

Post by jawaid badauni »

MoHtram Abdullah Nazir Sahab, Aadab

Aapka beHad mashkoor hooN. Yeh bahut sada see Ghazal thee magar phir bhi aap ne iss ki pazeeraii farmaii. Shukriya.

Ummid hai aap ke mizaj baKhair hoNge.

Khulooskaar,

Jawaid Badauni
Hashmat Usmani
-
-
Posts: 1173
Joined: Wed Dec 08, 2004 1:00 pm
Location: Kitchener, Ontario, Canada
Contact:

Post by Hashmat Usmani »

salaam moHtaram Jawaid saaHib,

aapkii taraHii Ghazal paRhii aur bahot pasand aayii...masha Allah, sabhii ash'aar achchhe haiN bahot. merii jaanib se ek kaamiiyaab Ghazal par mubaarakbaad qubool kijiiye.

Hashmat
Image
jawaid badauni
-
-
Posts: 810
Joined: Sat Jan 01, 2005 5:38 am
Contact:

Re: Tarhee Ghazal (Guzarish # 5)..................

Post by jawaid badauni »

sara_j wrote:
jawaid badauni wrote: Ghazal

Aap ka ghar hai yeh dil aisa kareN
Har nafas aaya kareN jaya kareN

Qadr kije ya nah kije pyar ki
Iss ko sikkoN meN to nah tola kareN

Shauq se becheN zameer apna magar
Aap saaste meN na yeh sauda kareN

Jo bhi Gham deNge khooshi ban jaayega
Shart yeh hai pyar se baKhsha kareN

Hum bhala kar ke bhi kahlaye boore
"Tum hi batlaao keh ab hum kya kareN"

Yeh zameN kya hai falak hil jayeNge
Bum nihattoN per nah barsaya kareN

Dil ko hai marGhoob "Jawaid" intezar
Oon se kahdo der se aaya kareN
---------------------------------------------

Jawaid Badauni
Muscat - Oman
:-) salam jawaid saahib,

waah! bohat umdah ghazal likhe hain, sab hi ashaar bohat khoob hain,


Jo bhi Gham deNge khooshi ban jaayega
Shart yeh hai pyar se baKhsha kareN


ye shair bohat ziyada pasand aaya. bohat khoob!

jawaid bhai homepage per apki ghazal zaroor dekhiyega :-)

sara

Sara Bahin Khoosh RaheN

Yeh to bahut hi sada see Ghazal thee. Phir bhi aap ko achchee lagee mujhe bahut Khooshee hoii.

MiaN home page per Ghazal dekh looNga. Shukriya.

Mukhlis
Jawaid
jawaid badauni
-
-
Posts: 810
Joined: Sat Jan 01, 2005 5:38 am
Contact:

Post by jawaid badauni »

Hashmat Usmani wrote:salaam moHtaram Jawaid saaHib,

aapkii taraHii Ghazal paRhii aur bahot pasand aayii...masha Allah, sabhii ash'aar achchhe haiN bahot. merii jaanib se ek kaamiiyaab Ghazal par mubaarakbaad qubool kijiiye.

Hashmat
MoHtram Hashmat Sahab,

Aapke avtar meN AMU ka logo dekhkar bahut khooshee hoti hai. Abhi char din pahle ki baat hai maiN Aligarh ke station se guzra tha. Main Shatabdee express se Lucknow se Delhi apni flight lene ke liye ja raha tha. Aligarh ka plateform dekha to bahut see yadeN tAAza ho gayeeN. Train wahaN sirf 2 minutes ko rooktee hai iss liye utar nahiN sakaa.

JahaN tak meri Ghazal ka sawal hai yeh to bahut hi sada.o.muKhtasar Ghazal hai. Phir bhi aap ne iss ki pazeeraii ki hai, shukriya.

Khair andesh,

Jawaid Badauni
Post Reply