Harf-e-"PE" se ash'aar raqam kijiiye...shukria

Post by **najma** » Mon May 16, 2005 9:19 am

pukaartii hay unheN manzil-e-talab kab tak
paRe haiN raah meiN jolog ba-sasab kab tak
bakhsh

Post by **najma** » Tue May 17, 2005 11:08 am

puraane saathiyoN meiN phir ke jaaooN maiN kyuNkar
keh un se tark-e-ta,alluq kiya thaa tere liye

Post by **Hashmat Usmani** » Wed May 18, 2005 4:33 am

parde parde meN 'etaab achchhe nahiiN
aise andaaz-e-Hijaab achchhe nahiiN

DaaGh Dehlavii

Post by **najma** » Wed May 18, 2005 12:38 pm

past hotii hay zehnoyyat unki
wo, jo oonche makaan rakhte haiN
najma

Post by **Hashmat Usmani** » Thu May 19, 2005 3:28 am

pas-e-marg mere mazaar par jo chiraaGh kisii ne jalaa diyaa
use, aah! daaman-e-baad ne sar-e-shaam hii se bujhaa diyaa

Bahaadur Shaah "Zafar"

Post by **Hashmat Usmani** » Thu May 19, 2005 4:27 am

payaam aaye haiN us yaar-e-be_vafaa ke mujhe
jise qaraar na aayaa kahiiN bhulaa ke mujhe

AHmad Faraaz

Post by **najma** » Thu May 19, 2005 12:46 pm

paak sir-zameen, shaad baad
kishwar-e-haseen shaad baad

Post by **Hashmat Usmani** » Thu May 19, 2005 5:28 pm

phir bhii hai tum ko masiiHaaii kaa da'va, dekho!
mujh ko dekho! mere marne kii tamannaa dekho!!

Hasrat Mohaanii

Post by **najma** » Thu May 19, 2005 5:38 pm

pukaarta hay zamana bhi mujhko mard-e-safar
kabhi Daraa na sakegii mujhe ye gard-e-safar
khawar

Post by **Hashmat Usmani** » Thu May 19, 2005 6:14 pm

phir chhiRii raat, baat phuuloN kii
raat hai yaa baraat phuuloN kii

MaKhdoom MoHiiuddiin

Post by **najma** » Thu May 19, 2005 9:39 pm

phir aaj mujhe tum ko bas itnaa bataanaa hay
haNsnaa hii jiivan hai haNsate hii jaanaa hay

Post by **Hashmat Usmani** » Fri May 20, 2005 12:41 am

pyaare lamHe aayeNge aur majbuurii miT jaayegii
ham donoN mil jaayeNge aur sab duurii miT jaayegii
har_dam bahne_waalii aaNkhoN kii maalaa bhii TuuTegii
teri, merii hastii is bai'rii bandhan se chhuTegii

Meerajii

Post by **najma** » Fri May 20, 2005 12:45 am

Pareshan baal, aansoo ankh main, utri hooi soorat
Naseeb-e-dushmanan aaye ho aisay main kahan hoker

Post by **Hashmat Usmani** » Fri May 20, 2005 12:48 am

phir saawan rut kii pavan chalii, tum yaad aaye
phir pattoN kii paazeb bajii, tum yaad aaye

ek gaanaa yaad aayaa isii mauz'oo par:

jab chalii ThanDi hawaa, jab chalii kaalii ghaTaa
mujhko, ai jaan-e-vafaa! tum yaad aaye

Nasiir Kaazmii

Post by **najma** » Fri May 20, 2005 12:51 am

phool sa mukhRa kahaaN se laaooN maiN
dhuul se raahoN ka chehra att gaya
khawar