Harf-e-"PE" se ash'aar raqam kijiiye...shukria

Post by **Hashmat Usmani** » Fri May 20, 2005 12:57 am

phuuloN kii TahniyoN pe nasheman banaaiye
bijlii gire to jashn-e-charaaGhaaN manaaiye

Abdul Hameed "Adam"

Post by **najma** » Fri May 20, 2005 2:04 am

phir saavan rut kii pavan chalii tum yaad aaye
phir pattoN kii paazeb bajii tum yaad aaye

Post by **Hashmat Usmani** » Fri May 20, 2005 2:06 am

phir shab-e-Gham ne mujhe shakl dikhaaii kiuNkar
yeh balaa ghar se nikaalii huii aaii kiuNkar

DaaGh Dehlavii

Abdullah Nazir · Post by **Abdullah Nazir** » Fri May 20, 2005 2:20 am

parvaaz-e-shauq baRhgaiee ummeed-e-vasl meiN

Apni bulandiyaoN se nah zaalim giraa mujhe.

Nazir.

Post by **Hashmat Usmani** » Fri May 20, 2005 2:22 am

phir daaman-e-ummiid vo phuuloN se bhar gayaa
jaaduu bharii nigaah se jaaduu-saa kar gayaa

Mushtaaq AHmad "Khayaal"

Post by **najma** » Fri May 20, 2005 2:23 am

phir wohii jalwa sar-e-tuur dikhado inko
aag se khel rahay haiN, to jala do inko
najma

Post by **Hashmat Usmani** » Fri May 20, 2005 2:25 am

phir se mausam bahaaroN kaa aane ko hai
phir se rangiiN zamaanaa badal jaayegaa
ab ke bazm-e-charaaGhaaN sajaa leNge ham
yeh bhii aramaaN dil kaa nikal jaayegaa

Zaahid

Post by **najma** » Fri May 20, 2005 2:26 am

paaeeN kahn se tum ne musalsal masarrateN
hamko bhi kuch batao, tabii,at udaas hay
najma

Post by **Hashmat Usmani** » Fri May 20, 2005 4:23 am

parishaaN raat saarii hai, sitaaro, tum to so jaao!
sukuut-e-marg taarii hai, sitaaro, tum to so jaao!

Qateel Shifaaii

Post by **najma** » Fri May 20, 2005 12:46 pm

phool sa mukhRa kahaaN se laaooN maiN
dhuul se raahoN ka chehra att gaya

Post by **Hashmat Usmani** » Sat May 21, 2005 1:08 am

pattaa_pattaa, buuTaa_buuTaa Haal hamaaraa jaane hai
jaane na jaane gul hii na jaane, baaGh to saaraa jaane hai

Meer Taqii "Meer"

Post by **najma** » Sat May 21, 2005 1:19 am

paareena daastaaN huee yuunaan-o-ruum kii
zehn-e-jadeed k haiN ufuq bhi naey naey
khawar

Post by **Hashmat Usmani** » Sat May 21, 2005 2:09 am

paaoN ke zaKhm haiN farsh-e-gul-e-tar hone tak
raah dushvaar hai aaGhaaz-e-safar hone tak

Himaayat Ali "Shaayar"

Post by **najma** » Sat May 21, 2005 2:16 am

paida huee hay mujh meiN logoN ki barhamii se
ye mo,tadil-mizajii, ye ehtiyaat-e-paiham
khawar

Post by **Hashmat Usmani** » Sat May 21, 2005 3:15 am

parchhaaiyoN ke shahr kii tanhaaiyaaN na puuchh
apnaa shariik-e-Gham koii apne sivaa na thaa

Mumtaz Rashid

Harf-e-"PE" se ash'aar raqam kijiiye...shukria

"pe"